close
Choose your channels

நெட்பிளிக்ஸில் ரிலீஸ் ஆகிறதா தனுஷின் அடுத்த படம்?

Tuesday, September 28, 2021 • தமிழ் Comments

தனுஷ் நடித்த ’ஜகமே தந்திரம்’ திரைப்படம் சமீபத்தில் ஓடிடியில் ரிலீஸ் ஆன நிலையில் அவருடைய அடுத்தப் படமும் ஓடிடியில் ரிலீசாக இருப்பதாக தகவல்கள் வெளிவந்துள்ளன.

தனுஷ் நடிப்பில் கார்த்திக் சுப்புராஜ் இயக்கத்தில் உருவான ’ஜகமே தந்திரம்’ என்ற திரைப்படம் ஓடிடியில் கடந்த ஜூன் மாதம் வெளியானது என்பது குறிப்பிடத்தக்கது. இந்த நிலையில் தனுஷ் நடித்துள்ள அடுத்த திரைப்படமான ’அட்ராங்கி ரே’ என்ற பாலிவுட் திரைப்படமும் நெட்பிளிக்ஸ் ஓடிடியில் ரிலீஸ் ஆக உள்ளதாக தகவல்கள் வெளிவந்துள்ளன.

தனுஷ் ஜோடியாக சாரா அலி கான் நடித்துள்ள இந்த படத்தில் அக்ஷய்குமார் முக்கிய வேடத்தில் நடித்துள்ளார் என்பது குறிப்பிடத்தக்கது. ஆனந்த் எல் ராய் இயக்கத்தில் ஏஆர் ரகுமான் இசையில் உருவாகிய இந்த படம் வரும் டிசம்பர் மாதம் நெட்பிளிக்ஸ் ஓடிடியில் ரிலீஸாக இருப்பதாகவும், இது குறித்த அறிவிப்பு விரைவில் வெளியாகும் என்றும் கூறப்படுவதால் பெரும் பரபரப்பு ஏற்பட்டுள்ளது.

மேலும் தனுஷ் தற்போது ’மாறன்’ மற்றும் ’திருச்சிற்றம்பலம்’ ஆகிய இரண்டு படங்களில் நடித்து வருகிறார் என்பதும் இந்த இரண்டு படங்களும் நிச்சயம் திரையரங்குகளில் தான் ரிலீஸ் ஆகும் என்றும் படக்குழுவினர் வட்டாரங்களில் இருந்து செய்திகள் வெளியாகியுள்ளது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz