பிரபல தெலுங்கு நடிகர் அல்லு அர்ஜூன் நடித்த ‘என் பெயர் சூர்யா... என் வீடு இந்தியா’ என்ற திரைப்படம் வரும் மே மாதம் 4ஆம் தேதி ரிலீஸ் ஆகவுள்ளது. தமிழ், தெலுங்கு, மலையாளம் மற்றும் கன்னடம் என நான்கு மொழிகளில் வெளியாகவுள்ள இந்த படத்திற்கு பெரும் எதிர்பார்ப்பு ஏற்பட்டுள்ளது.

இந்த நிலையில் இந்த படத்தின் ரன்னிங் டைம் மற்றும் சென்சார் தகவல் குறித்த தகவல் வெளிவந்துள்ளது. இந்த படம் 168 நிமிடங்கள் அதாவது 2 மணி 48 நிமிடங்கள் ஓடுகிறது. மேலும் இந்த படம் 'யூஏ' சான்றிதழ் பெற்றுள்ளது. 

அல்லு அர்ஜூன், அனு இமானுவேல், அர்ஜூன், சரத்குமார், உள்பட பலர் நடித்துள்ள இந்த படத்தை வம்சி இயக்கியுள்ளார். விஷால் சேகர் இசையில், ராஜீவ் ரவி ஒளிப்பதிவில், வெங்கடேஸ்வரராவ் படத்தொகுப்பில் உருவாகியுள்ள இந்த படத்தை ராமலட்சுமி சினி கம்பைன்ஸ் நிறுவனம் தயாரித்துள்ளது.