close
Choose your channels

இனிய பிறந்த நாள் வாழ்த்துக்கள் ஜிவி பிரகாஷ்!

Sunday, June 13, 2021 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

தமிழ் திரை உலகின் முன்னணி நடிகர், இசையமைப்பாளர், பாடகர் ஜிவி பிரகாஷ் இன்று தனது பிறந்தநாளை கொண்டாடி வருவதை அடுத்து அவருக்கு திரையுலக பிரபலங்கள், ரசிகர்கள் பலரும் வாழ்த்துக்களை தெரிவித்து வருகின்றனர். இந்த நிலையில் ஜிவி பிரகாஷ் அவர்களுக்கு நம்முடைய இனிய பிறந்தநாள் வாழ்த்துக்கள்.

கடந்த 2006ஆம் ஆண்டு வசந்தபாலன் இயக்கிய ’வெயில்’ என்ற திரைப்படத்தின் மூலம் இசையமைப்பாளராக அறிமுகமான ஜிவி பிரகாஷ்க்கு மூன்றாவது படமே அஜித் நடித்த ’கிரீடம்’ என்ற படத்தில் இசையமைக்க வாய்ப்பு கிடைத்தது. அதன்பின் சூப்பர் ஸ்டார் ரஜினிகாந்த் நடித்த ’குசேலன்’ என்ற படத்துக்கு இசையமைத்தார். ஜீவி பிரகாஷ்க்கு மிகப்பெரிய அளவில் ரசிகர்களின் வாழ்த்துக்கள் கிடைத்த திரைப்படம் என்றால் அது செல்வராகவனின் ‘ஆயிரத்தில் ஒருவன்’ என்று கூறலாம். அதன்பின் ’மதராசபட்டணம்’ உள்ளிட்ட பல படங்களில் இசையமைத்த ஜிவி பிரகாஷ் தளபதி விஜய் நடித்த ’தலைவா’ என்ற படத்திற்கு இசை அமைத்தார் என்பதும், அதன்பின் விஜய் நடித்த ’தெறி’ படத்திற்கும் அவர்தான் இசையமைத்திருந்தார் என்பதும் குறிப்பிடதக்கது இசையமைப்பாளராக மட்டுமின்றி கடந்த 2015ஆம் ஆண்டு வெளியான ’டார்லிங்’ என்ற திரைப்படத்தின் மூலம் ஹீரோவாகவும் தமிழ் திரையுலகில் அறிமுகமானார் ஜிவி பிரகாஷ். அதன் பின்னர் பென்சில், குப்பத்துராஜா, வாட்ச்மேன் உள்பட பல திரைப்படங்களில் நடித்துள்ளார் என்பதும் தற்போது அவர் நடித்து வரும் திரைப்படங்களின் எண்ணிக்கை சுமார் 10 என்பதும் குறிப்பிடத்தக்கது.

தமிழ் திரையுலகின் முன்னணி இசையமைப்பாளர் மற்றும் நடிகர் என ஒரே நேரத்தில் இரட்டை குதிரைகளில் வெற்றிகரமாக சவாரி செய்துவரும் ஜிவி பிரகாஷ்க்கு மீண்டும் நமது இனிய பிறந்தநாள் வாழ்த்துக்களை தெரிவித்துக் கொள்வோம்

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.