ఎన్టీఆర్ ట్విట్టర్ అకౌంట్ హ్యక్ అయిందా?
- IndiaGlitz, [Tuesday,December 22 2015]
యంగ్ టైగర్ ఎన్టీఆర్ ట్విట్టర్ అకౌంట్ ద్వారా అప్పుడ‌ప్పుడు త‌న అభిమానుల‌కు చిన్న చిన్న మెసేజ్‌లు ఇస్తుంటాడు. నిన్న సోమవారం తారక్ ట్విట్టర్ అకౌంట్ నుండి వ‌చ్చిన ఓ మెసేజ్ అభిమానులు, చిత్ర‌యూనిట్‌ను షాక్‌కు గురిచేసింద‌ట. వివ‌రాల్లోకెళ్తే..నిన్న రాత్రి తారక్ త‌న ట్విట్టర్ ద్వారా చాలా మంది అభిమానులు నాన్నకు ప్రేమతో ఆడియో రిలీజ్ డేట్, మూవీ రిలీజ్ డేట్ గురించి అడుగుతున్నారు. 'అయితే అదెప్పుడో నేను కూడా తెలుసుకోవాలనుకుంటున్నాను. ఎందుకంటే వాటి గురించి నాకు కూడా తెలియ‌డం లేదు' అని మెసేజ్ వ‌చ్చింది. దాంత్ కంగు తిన్న అంద‌రూ ఆ విష‌యాన్ని తారక్ దృష్టికి తీసుకెళ్ళారు. అయితే తాన‌లా చేయ‌లేద‌ని చెప్పుకునే ప్ర‌య‌త్నం చేసిన తారక్, ఏం జ‌రిగిందో క‌నుక్కుంటాన‌ని ట్విట్ల‌ర్ ద్వారానే తెలియ‌జేశాడు. జ‌రిగేదంతా చూస్తుంటే తారక్ అకౌంట్‌ను ఎవ‌రో హ్యక్ చేసిన‌ట్టు క‌న‌ప‌డుతుంది.