తెలుగు, తమిళ, హిందీ చిత్రాల్లో నటించి హీరోయిన్‌గా తనకంటూ ఓ ప్రత్యేకమైన గుర్తింపును సంపాదించుకుంది రకుల్‌ ప్రీత్‌ సింగ్‌. ఈ ఫిట్‌నెస్‌ ఫ్రీక్‌ కోవిడ్‌ సమయంలో ఇచ్చిన నిబంధనలను పాటిస్తూ క్రిష్‌ దర్శకత్వంలో రూపొందిన షూటింగ్‌లో పాల్గొని సినిమాను పూర్తి చేసేసింది. అయితే ఏం చేద్దాం. ఎక్కడో పొరపాటు జరగడంతో రకుల్‌కు ఇటీవల కరోనా పాజిటివ్‌ వచ్చింది. దీంతో రకుల్ హోం క్వారంటైన్‌లో ఉండి చికిత్స తీసుకుంది. రీసెంట్‌గా కరోనా టెస్టులో కరోనా నెగటివ్‌ వచ్చింది. దీని తర్వాత ఖాళీగా కూర్చోవాలని రకుల్‌ ప్రీత్‌ సింగ్‌ అనుకోలేదు. వెంటనే షూటింగ్స్‌కు రెడీ అంటూ దర్శక నిర్మాతలకు సంకేతాలిచ్చేసింది.

అందులో భాగంగా అజయ్‌ దేవగణ్‌ దర్శక నిర్మాణంలో రూపొందుతోన్న చిత్రం 'మే డే'. ఈ సినిమా షూటింగ్‌లో రకుల్‌ పాల్గొంది. దానికి సంబంధించిన చిన్న వీడియోను తన ఇన్‌స్టాలో షేర్‌ చేస్తూ నేను పనిచేస్తుంటూనే సంతోషంగా ఉంటాను అంటూ కామెంట్‌ కూడా పెట్టింది. మే డే సినిమాలో బాలీవుడ్ సూపర్‌స్టార్‌.. బిగ్‌ బి అమితాబ్‌ బచ్చన్‌ కీలక పాత్రలో నటిస్తున్నారు. ఈ ఏడాది రకుల్‌ ప్రీత్‌ సింగ్‌ వరుస సినిమాలతో ప్రేక్షకులను ఆకట్టుకోనుంది. తెలుగులో నితిన్‌ చెక్‌ విడుదలవుతుంది. తమిళంలో కార్తి, శివ కార్తికేయన్‌ సినిమాలు సెట్స్‌పై ఉన్నాయి. హిందీలో మేడే సినిమా జరుపుకుంటోంది. మరి ఈ ఏడాది సక్సెస్‌లతో మరింత బిజి బిజీగా మారుతుందేమో చూడాలి.