తేజ సజ్జ హీరోగా ప్రశాంత్ వర్మ దర్శకత్వం వహించిన 'హనుమాన్' మూవీ సరికొత్త రికార్డులను సృష్టిస్తూనే ఉంది. ఈ ఏడాది సంకాంత్రి కానుకగా జ‌న‌వ‌రి 12న రిలీజై రూ.300కోట్లకు పైగా వసూలు చేసి బాక్సాఫీస్ వద్ద దుమ్మురేపింది. తాజాగా మరో రికార్డు తన ఖాతాలో వేసుకుంది. ఒకప్పుడు 100 రోజులు, 50 రోజులు సినిమాలు ఆడేవి. ఇన్ని సెంటర్స్‌లో మా హీరో సినిమా ఆడిందని అభిమానులు గర్వంగా చెప్పకునేవారు. ఇప్పుడు అలాంటి పరిస్థితి లేదు. ఎంత స్టార్ హీరో సినిమా అయినా ఓ రెండు వారాలు థియేటర్స్‌లో కలెక్షన్స్ రాబట్టి వెళ్లిపోతుంది.

కానీ ఈ థియేటర్ల విషయంలో కూడా హనుమాన్ సినిమా సరికొత్త రికార్డులను సెట్ చేసింది. ఇప్పటికే 300 సెంటర్స్‌లో 30 రోజులు.. 150 సెంటర్స్‌లో 50 రోజులు ఆడి అందరినీ ఆశ్చర్యపరిచింది. తాజాగా నేటితో 25 సెంటర్స్‌లో 100 రోజులు పూర్తి చేసుకుని ఔరా అనింపింది. ఈ మేరకు చిత్ర యూనిట్‌ స్పెషల్ పోస్టర్ రిలీజ్ చేసింది. మరోవైపు అన్ని భాషల్లో ఓటీటీలో స్ట్రీమింగ్‌లోనూ ఈ మూవీ అదరగొడుతోంది. కాగా ఈ మూవీకి ‘జై హనుమాన్’ అంటూ సీక్వెల్‌ని ఆడియన్స్ ముందుకు తీసుకురాబోతున్న సంగతి తెలిసిందే. వచ్చే ఏడాది సంక్రాంతి కానుకగా మూవీని రిలీజ్ చేయనున్నట్లు ఇప్పటికే ప్రకటించారు.

ఈ సీక్వెల్ మూవీలో ఆంజనేయస్వామి సూపర్ హీరోగా కనిపించబోతున్నారు. దీంతో ఈ మూవీపై ప్రేక్షకుల్లో భారీ అంచనాలు నెలకొన్నాయి. ఇందుకు తగ్గట్లే డైరెక్టర్ ప్రశాంత్ వర్మ విజువల్ వండర్‌గా సినిమాను తీర్చిదిద్దుతున్నారు. ఇటీవల శ్రీరామనవమి సందర్భంగా ఈ మూవీ నుంచి అదిరిపోయే పోస్టర్‌తో అప్డేట్ ఇచ్చారు. ఆంజనేయస్వామి రాముడుకి ప్రమాణం చేస్తున్న ఫోటోని విడుదల చేశారు. ఈ మూవీలో హనుమంతు పాత్రలోనే తేజ నటిస్తుండగా.. ఆంజనేయస్వామి పాత్రలో స్టార్ హీరో నటించనున్నారు.

ఇదిలా ఉంటే తేజ సజ్జ తన తర్వాతి చిత్రాన్ని సూర్య వర్సస్ సూర్య, ఈగల్ వంటి డిఫరెంట్ సినిమాలు తీసిన కార్తీక్ ఘట్టమనేని దర్శకత్వంలో చేస్తున్నాడు. ఈ మూవీలో సూపర్ యోధగా కనిపించనున్నాడు. ఇటీవల ఈ ప్రాజెక్ట్‌కు సంబంధించిన టైటిల్‌తో పాటు గ్లింప్ల్స్‌ను మేక‌ర్స్ రివీల్ చేశారు. ఈ సినిమాకు 'మిరాయ్' (Mirai) అనే టైటిల్‌ను ఫిక్స్ చేశారు. ఈ మూవీలో సూపర్ యోధుడి పాత్రలో నటిస్తున్నాడు. భారీ బడ్జెట్‌తో నిర్మితమవుతున్న ఈ మూవీ భారతీయ భాషలతో పాటు విదేశీ భాషల్లోనూ రిలీజ్ కానుంది.