சிவகார்த்திகேயனின் அடுத்த படத்தில் இணைந்த 2 பிரபலங்கள்
- IndiaGlitz, [Thursday,September 29 2016]
சிவகார்த்திகேயன், கீர்த்திசுரேஷ் நடித்த 'ரெமோ' திரைப்படம் வரும் 7ஆம் தேதி உலகம் முழுவதும் பிரமாண்டமாக வெளியாகவுள்ளது. இந்நிலையில் சிவகார்த்திகேயன் நடிக்கவுள்ள அடுத்த படத்தின் ஆரம்பகட்ட பணிகளில் இயக்குனர் மோகன் ராஜா பிசியாக உள்ளார்.
இந்த படத்தில் சிவகார்த்திகேயனுடன் நயன்தாரா, சினேகா, ஃபஹத் பாசில், சதீஷ், பிரகாஷ்ராஜ் உள்பட பலர் நடிக்கவுள்ளனர். இந்நிலையில் இந்த படத்தில் ரோபோ சங்கர் மற்றும் ஆர்ஜே பாலாஜி ஆகிய இருவரும் தற்போது இணைந்துள்ளனர். இருவருமே சிவகார்த்திகேயனின் நெருங்கிய நண்பர்கள் என்பதும் மூவருமே தொலைக்காட்சி மற்றும் வானொலியில் இருந்து திரைக்கு வந்தவர்கள் என்பதும் குறிப்பிடத்தக்கது.
அனிருத் இசையமைக்கும் இந்த படத்திற்கு ராம்ஜி ஒளிப்பதிவு செய்யவுள்ளார். சிவகார்த்திகேயன் தற்போது 'ரெமோ' படத்தின் புரமோஷனில் பிசியாக இருப்பதால் இந்த படத்தின் ரிலீசுக்கு பின்னர் படப்பிடிப்பு தேதி முடிவு செய்யப்படும் என்று மோகன் ராஜா தரப்பில் இருந்து செய்தி வெளிவந்துள்ளது.