close
Choose your channels

ரூ.36 ஆயிரம் கரெண்ட் பில்: தனுஷ் நாயகியும் குற்றச்சாட்டு

Sunday, June 28, 2020 • தமிழ் Comments

கரண்ட் தான் ஷாக் அடிக்கும் என்றால் தற்போது கரன்ட் பில்லும் மக்களைக் ஷாக் அடித்து வருவதை கடந்த சில நாட்களாக பார்த்து வருகிறோம்.

கொரோனா வைரஸ் ஊரடங்கு காரணமாக இரண்டு மாதங்களாக ரீடிங் எடுக்காமல் இருந்த மின் வாரியம், தற்போது மொத்தமாக நான்கு மாதங்களுக்கும் சேர்த்து ரீடிங் எடுப்பதால் கரண்ட் பில் அதிகபட்சமாக வருவதாக பொதுமக்கள் குற்றம் சாட்டி வருகின்றனர்.

இந்த நிலையில் ஏற்கனவே இது குறித்து நடிகர் பிரசன்னா மற்றும் நடிகை கார்த்திகா நாயர் ஆகியோர் தங்களுடைய சமூக வலைதளங்கள் மூலம் தங்கள் ஆதங்கத்தை தெரிவித்தனர். எப்போதும் இல்லாத வகையில் தற்போது கரண்ட் பில் மிகவும் அதிகமாக இருப்பதாகவும் இது என்ன கணக்கு என்றே புரிய வில்லை என்றும் அவர்கள் கேள்வி எழுப்பினர். குறிப்பாக கார்த்திகா நாயரின் குற்றச்சாட்டுக்கு இன்னும் எந்த விதமான பதிலும் மும்பை மின் துறையிடம் இருந்து வரவில்லை என்று தெரிகிறது.

இந்த நிலையில் தற்போது தனுஷ் நடித்த ’ஆடுகளம்’ திரைப்படத்தின் மூலம் திரையுலகில் அறிமுகமாகி, இன்று பாலிவுட்டின் முன்னணி நடிகைகளில் ஒருவராக இருக்கும் நடிகை டாப்ஸியும் தன்னுடைய வீட்டிற்கு கரண்ட் பில் 36 ஆயிரம் வந்து இருப்பதாக குற்றம்சாட்டி உள்ளார். கடந்த மூன்று மாதங்களாக ஊரடங்கு அமலில் இருந்தது என்பதால் தன்னுடைய வீட்டில் எந்த விதமான புதிய எலக்ட்ரிக் பொருள்களும் வாங்கவில்லை என்றும் ஏற்கனவே தான் வாங்கிய பொருட்களை மட்டுமே பயன்படுத்தி வருவதாகவும் அவ்வாறு இருக்கும்போது திடீரென கரண்ட் பில் இவ்வளவு உயர்ந்தது ஏன் என்று எனக்கு தெரியவில்லை என்றும் மின்கட்டணம் எந்தவகையில் சார்ஜ் செய்யப்படுகிறது என்பது குறித்து விளக்க வேண்டும் என்றும் அவர் தனது சமூக வலைத்தளத்தில் கேள்வி எழுப்பியுள்ளார்.

டாப்ஸியின் இந்த டுவிட்டுக்கு பலர், தங்களுக்கும் இதே போல் அனுபவம் ஏற்பட்டு உள்ளதாக குறிப்பிட்டு வருகின்றனர். எனவே தமிழகம் உள்பட அனைத்து மாநிலங்களில் உள்ள மின் வாரியங்கள் இதுகுறித்து விரிவான விளக்கம் அளித்து பொதுமக்களின் சந்தேகத்தை தீர்க்க வேண்டும் என்பதே அனைவரின் கோரிக்கையாக உள்ளது.

Get Breaking News Alerts From IndiaGlitz