தளபதி விஜய் நடித்து வரும் ’வாரிசு’ திரைப்படத்தின் படப்பிடிப்பு ஒரு பக்கம் விறுவிறுப்பாக நடைபெற்று வந்தாலும் இன்னொரு பக்கம் அவர் நடிக்கயிருக்கும் 67வது திரைப்படமான ’தளபதி 67’ படத்தின் தகவல்கள் அவ்வப்போது கசிந்து வருகின்றன.

இந்த படத்தை லோகேஷ் கனகராஜ் இயக்க இருப்பதாகவும், லலித் மற்றும் ஜெகதீஷ் தயாரிக்க இருப்பதாகவும் கூறப்பட்டு வரும் நிலையில் இந்த படத்தின் கதையை எழுத ஆரம்பித்து விட்டதாகவும் லோகேஷ் கனகராஜ் கூறியிருந்தார்.

இந்த நிலையில் தற்போது வந்துள்ள தகவலின்படி ’தளபதி 67’ படத்திற்காக லோகேஷன் பார்ப்பதற்காக இயக்குனர் லோகேஷ் கனகராஜ் மும்பை சென்றிருப்பதாக கூறப்படுகிறது. அப்படி என்றால் இந்த படம் மும்பை பின்னணியில் உள்ள கதையம்சம் கொண்டது என்று எதிர்பார்க்கப்படுவதால் பெரும் பரபரப்பு ஏற்பட்டுள்ளது.

ஏற்கனவே மும்பையை பின்னணியாக கொண்ட பல திரைப்படங்கள் சூப்பர்ஹிட்டாகியுள்ள நிலையில் ’தளபதி 67’ படத்தின் முதல் தகவலே மாஸ் தகவலாக இருப்பதால் ரசிகர்கள் குஷியில் உள்ளனர்.