close
Choose your channels

1000 பால் பாக்கெட்டுக்கள், 250 குடும்பங்களுக்கு காய்கறிகள்: அசத்தும் விஜய் ரசிகர்கள்

Thursday, April 2, 2020 • தமிழ் Comments

கொரோனா வைரஸ் பாதிப்பு காரணமாக கடந்த சில நாட்களாக ஊரடங்கு உத்தரவு பிறப்பிக்கப்பட்டுள்ளதை அடுத்து பொதுமக்கள் அத்தியாவசிய தேவைகளுக்கு திண்டாடி வருகின்றனர் இந்த நிலையில் தளபதி விஜய்யின் ரசிகர்கள் அவ்வப்போது பொதுமக்களுக்கு தேவையான பொருட்களை வாங்கி கொடுத்து உதவி செய்து வருகின்றனர் என்பதை ஏற்கனவே பார்த்தோம்.

இந்த நிலையில் தற்போது மேலும் சில உதவிகளை விஜய் ரசிகர்கள் செய்த தகவல் வெளிவந்துள்ளது. தேனியை சேர்ந்த தளபதி விஜய் ரசிகர்கள் அங்கு உள்ள 250 குடும்பங்களுக்கு தேவையான காய்கறிகளை வழங்கி உதவி செய்துள்ளனர்.

அதேபோல் வடசென்னையில் உள்ள விஜய் ரசிகர்கள் ஆயிரம் குடும்பங்களுக்கு தேவையான பால் பாக்கெட்களை வாங்கி கொடுத்துள்ளனர். இதன் மூலம் அங்கு பால் இல்லாமல் கஷ்டப்பட்ட குழந்தைகளுக்கு விஜய் ரசிகர்கள் உதவி செய்துள்ளார்கள் என்பது குறிப்பிடத்தக்கது. இதேபோல் மேலும் பல உதவிகளை செய்து வரும் விஜய் ரசிகர்களுக்கு இணையதளங்களில் பாராட்டுக்கள் குவிந்து வருகிறது என்பது குறிப்பிடத்தக்கது.

Get Breaking News Alerts From IndiaGlitz