ஒவ்வொரு வாரமும் திரையரங்குகளில் புதிய திரைப்படங்கள் ரிலீஸ் ஆகி கொண்டிருக்கும் நிலையில் திரையரங்குகளில் வெளியான திரைப்படங்கள் அடுத்த ஒரே மாதத்தில் ஓடிடியில் ரிலீஸ் ஆகி வருகிறது என்பதை பார்த்து வருகிறோம்.

அந்த வகையில் இந்த வாரம் 3 தமிழ் படங்கள் ஓடிடியில் வெளியாக உள்ளதாக அறிவிக்கப்பட்டுள்ளது. இந்த வார ஓடிடி ரிலீஸ் குறித்த முழு தகவல்களை தற்போது பார்ப்போம்

இந்த வாரம் நெட்பிளிக்ஸ் ஓடிடியில் ‘அஸ்வின்ஸ்’ என்ற படம் வெளியாகிறது. த்ரில் கதை அம்சம் கொண்ட இந்த படம் திரையரங்குகளில் வெளியாகி ரசிகர்கள் மனதை வென்ற நிலையில் ஓடிடியில் நல்ல வரவேற்பை பெறும் என்று எதிர்பார்க்கப்படுகிறது. வசந்த் ரவி, விமலா ராமன், சிம்ரன் பரீக், முரளிதரன், சரஸ்வதி மேனன் உள்ளிட்ட பலர் நடித்துள்ள இந்த படம் தருண் தேஜா இயக்கத்தில் விஜய் சித்தார்த் இசையில் இந்த படம் உருவாகி உள்ளது.

அதேபோல் விக்ரம் பிரபு, வாணி போஜன் நடித்த ’பாயும்புலி நீ எனக்கு’ என்ற திரைப்படம் சிம்ப்ளி சவுத் என்ற ஓடிடியில் வெளியாக உள்ளது. மேலும் ’சிங்க்’ என்ற தமிழ்ப்படம் ஆஹா ஓடிடியில் வெளியாகவுள்ளது. கிஷேன் தாஸ், மோனிகா, செளந்தர்யா நந்தகுமார், நவீன் நடிப்பில் விகாஸ் ஆனந்த் இயக்கத்தில் இந்த படம் உருவாகியுள்ளது.

மேலும் 'Bawaal’ என்ற இந்திப்படம் அமேசான் ப்ரைமில், DoGubbare என்ற இந்திப்படம் ஜியோ சினிமாவில், Aashiqana S4 என்ற வெப்தொடர் ஹாட்ஸ்டார் ஓடிடியில் வெளியாகிறது. ’The Deepest Breat’ மற்றும் ’Sweet Magnolias’ ஆகிய ஆங்கில படங்கள் நெட்பிளிக்ஸ் ஓடிடியில் வெளியாகவுள்ளது.