நடிகரும் இயக்குனருமான டி.ராஜேந்தர், தனது இளையமகன் குறளரசனின் திருமணத்திற்காக திரையுலக மற்றும் அரசியல் பிரபலங்களை சந்தித்து அவர்களுக்கு திருமண அழைப்பிதழை வழங்கி வருகிறார் என்பது தெரிந்ததே.

அந்த வகையில் சூப்பர் ஸ்டார் ரஜினிகாந்த், உலக நாயகன் கமல்ஹாசன், கேப்டன் விஜயகாந்த், சிவகுமார் குடும்பம், திமுக தலைவர் மு.க.ஸ்டாலின் உள்பட பல பிரபலங்களை சமீபத்தில் தனது மகன் குறளரசனுடன் சந்தித்த டி.ராஜேந்தர், திருமண அழைப்பிதழ்களை வாங்கினார்.

இந்த நிலையில் இன்று டி ராஜேந்தர் தமிழக முதல்வர் திரு எடப்பாடி கே பழனிசாமி அவர்களை தனது இளைய மகன் குறளரசனுடன் சந்தித்தார். இந்த சந்திப்பின்போது தனது இளைய மகன் குறளரசனின் திருமண அழைப்பிதழை முதல்வருக்கு நேரில் வழங்கினார். முதல்வரும் இந்த திருமணத்தில் கலந்து கொள்வதாக உறுதி அளித்திருப்பதாக தெரிகிறது.