close
Choose your channels

மதுரைக்கார மன உறுதியும் மருத்துவமும் உங்களை மீட்டெடுக்கும்: வைரமுத்து

Thursday, September 24, 2020 • தமிழ் Comments

தேமுதிக தலைவரும் கேப்டன் என்று அன்புடன் ரசிகர்களாலும் தொண்டர்களும் அழைக்கப்படுவருமான விஜயகாந்த் கொரோனாவால் பாதிக்கப்பட்டு சிகிச்சை பெற்று வருகிறார் என்ற செய்தியை ஏற்கனவே பார்த்தோம்.

விஜயகாந்த் கொரோனாவால் பாதிக்கப்பட்டிருந்தாலும் அவரது உடல்நிலை சீராக இருப்பதாகவும், விரைவில் அவர் குணமடைவார் என்றும் மியாட் மருத்துவமனை அறிக்கை வெளியிட்டிருந்தது. இந்த நிலையில் கேப்டன் விஜயகாந்த் விரைவில் கொரோனாவில் இருந்து மீண்டு வர வேண்டும் என தமிழக முதல்வர் எடப்பாடி பழனிசாமி, தமிழக துணை முதல்வர் ஓ பன்னீர்செல்வம், திமுக தலைவர் முக ஸ்டாலின், மற்றும் அரசியல் கட்சி தலைவர்கள், திரையுலகைச் சேர்ந்தவர்கள் பலரும் தங்களது சமூக வளைதளத்தில் வாழ்த்து தெரிவித்து வருகின்றனர்.

இந்த நிலையில் சற்று முன்னர் கவிப்பேரரசு வைரமுத்து அவர்கள் தனது டுவிட்டர் பக்கத்தில் விஜயகாந்த் விரைவில் குணமடைய தனது பாணியில் வாழ்த்து தெரிவித்துள்ளார். அவர் இதுகுறித்து கூறியதாவது:

அன்புள்ள கேப்டன்!
உங்கள் துணிச்சலும்,
‘மதுரைக்காரன்’ என்று கருதும்
மன உறுதியும், மருத்துவத்தின்
உறுதுணையும் இந்த நோயிலிருந்தும்
உங்களை மீட்டெடுக்கும்;
வாழ்த்துகிறேன்.

Get Breaking News Alerts From IndiaGlitz