கோலிவுட் திரையுலகில் வளர்ந்து வரும் இளையதலைமுறை நடிகர்களில் ஒருவர் விஷ்ணுவிஷால். கடந்த ஆண்டு விஷ்ணு நடிப்பில் வெளியான 'வேலைன்னு வந்துட்டா வெள்ளைக்காரன்' மற்றும் 'மாவீரன் கிட்டு' ஆகிய படங்கள் நல்ல வரவேற்பை பெற்றது. இந்நிலையில் அவர் தற்போது 'கதாநாயகன்', 'சிண்ட்ரெல்லா' மற்றும் 'பொன் ஒன்று கண்டேன்' ஆகிய படங்களில் நடித்து வருகிறார்.

இந்நிலையில் இயக்குனர் செல்லா இயக்கத்தில் அவர் ஒரு படத்தில் நடிக்கவிருப்பதாக செய்திகள் வெளிவந்தன. இதுவரை டைட்டில் வைக்கப்படாமல் படப்பிடிப்பு நடைபெற்ற இந்த படத்திற்கு தற்போது 'சிலுக்குவார்ப்பட்டி சிங்கம்' என்ற டைட்டில் வைக்கப்பட்டுள்ளதாக கூறப்படுகிறது. இந்த டைட்டில் குறித்த அறிவிப்பு மிகவிரைவில் வெளியாகும், என்று தெரிகிறது.

விஷ்ணு, ரெஜினா முக்கிய வேடத்தில் நடிக்கும் இந்த படத்தில் நடிகை ஓவியா சிறப்பு தோற்றத்தில் நடிக்கவுள்ளார். மேலும் இந்த படத்தில் லிவிங்ஸ்டன், சிங்கமுத்து, கருணாகர்ன், யோகிபாபு, ஆன்ந்த்ராஜ், மன்சூர் அலிகான் உள்ளிட்ட பலர் நடிக்கவுள்ளனர். விஷ்ணுவின் சொந்த தயாரிப்பில் உருவாகும் இந்த படத்திற்கு லியான் ஜேம்ஸ் இசையமைக்கின்றார்