நடிகர் ஆர்யா நடித்த படங்களின் வசூல் கடந்த சில ஆண்டுகளாகவே திருப்திகரமாக இல்லாத நிலையில் அவர் மிகவும் ரிஸ்க் எடுத்து, உடலை வருத்தி நடித்த படம் 'கடம்பன்'. கடின உழைப்புக்கு என்றுமே தோல்வியில்லை என்ற நிலையில் இந்த படத்தின் வசூல் அவருக்கு ஆறுதலை அளிக்கும் வகையில் கிடைத்துள்ளது.

'கடம்பன்' திரைப்படம் சென்னையில் கடந்த வார இறுதியில் 17 திரையரங்குகளில் 171 காட்சிகள் திரையிடப்பட்டு ரூ.48,54,790 வசூல் ஆகியுள்ளது. மேலும் திரையரங்குகளில் 85% பார்வையாளர்கள் இருந்ததால் ஆர்யாவுக்கு நீண்ட இடைவெளிக்கு பின்னர் ஒரு வெற்றி கிடைத்துள்ளது.

ஊடகங்கள் மற்றும் சமூக வலைத்தளங்களில் கிடைத்த பாசிட்டிவ் விமர்சனங்கள் காரணமாக சென்னையை போலவே தமிழகம் முழுவதிலும் இந்த படம் சராசரி வசூலை பெற்றுள்ளதாக செய்திகள் வெளிவந்து கொண்டிருக்கின்றது.