ఇద్ద‌రు అగ్ర క‌థానాయ‌కుల సినిమాలు వారాల గ్యాప్‌లోనో లేదంటే ఒకే రోజునే రిలీజైతే ఆ సంద‌డే వేరు. అదీ ఒకే కుటుంబానికి చెందిన హీరోల సినిమాలైతే.. ఎవ‌రి దృష్టి అయినా ఆ సినిమాల మీదే ఉంటుంది. ఈ ఏడాదిలో సంక్రాంతికి అలాంటి వాతావ‌ర‌ణం క‌నిపించింది. నంద‌మూరి కుటుంబానికి చెందిన బాల‌కృష్ణ‌, ఎన్టీఆర్ సినిమాలు ఒక రోజు గ్యాప్‌లో ప్రేక్ష‌కుల ముందుకు వ‌చ్చాయి. ఇప్పుడు మ‌ళ్లీ వేస‌వి సీజ‌న్ అలాంటి సంద‌డి తీసుకురానుంది.

ఈ సారి మెగా హీరోల మ‌ధ్య ఆ వాతావ‌ర‌ణం క‌నిపించ‌నుంది. మ‌రీ ఒక రోజు విరామంతో కాకుండా రెండు వారాల గ్యాప్ ఉండ‌డం గ‌మ‌నార్హం. ఏప్రిల్ 8న ప‌వ‌న్ క‌ళ్యాణ్ న‌టించిన 'స‌ర్దార్ గ‌బ్బ‌ర్‌సింగ్' విడుద‌ల కానుంటే.. ఏప్రిల్ 22న అల్లు అర్జున్ యాక్ట్ చేసిన 'స‌రైనోడు' రిలీజ్ కానుంది. ఈ సారైనా రెండు సినిమాలూ విజ‌యం సాధిస్తాయేమో చూడాలి.