close
Choose your channels

இயக்குனராகும் கமல், தனுஷ் பட நடிகை

Saturday, May 30, 2020 • தமிழ் Comments

கமல்ஹாசன் நடித்த ’உத்தம வில்லன், தனுஷ் நடித்த ’மரியான்’ உள்பட ஒருசில தமிழ் படங்களிலும் ஏராளமான மலையாள படங்களில் நடித்தவர் நடிகை பார்வதி. இவர் தற்போது மலையாளத்தில் பிசியாக நடித்து கொண்டிருந்தாலும், நடிப்புக்கு சிறிது காலம் பிரேக் விட்டு இயக்குனராக உள்ளதாக செய்திகள் வெளிவந்துள்ளது.

இந்த கொரோனா விடுமுறை நேரத்தில் இரண்டு திரைக்கதைகள் உருவாக்கி தயாராக வைத்திருப்பதாகவும் லாக்டவுன் முடிந்ததும் படப்பிடிப்பை தொடர உள்ளதாகவும் நடிகை பார்வதி பேட்டி ஒன்றில் கூறியுள்ளார் இந்த இரண்டு திரைக்கதைகளில் ஒன்று அரசியல் பின்னணி கொண்டது என்றும் இன்னொன்று சைக்காலஜிக்கல் த்ரில்லர் கதையம்சம் கொண்டது என்றும் அவர் தெரிவித்துள்ளார்.

இந்த இரண்டு படங்களையும் தனது திரையுலக நண்பர் ஒருவருடன் இணைந்து இயக்க இருப்பதாகவும், இதற்கான தயாரிப்பு திட்டங்களையும் தொடங்கி விட்டதாகவும் நடிகை பார்வதி கூறியுள்ளார். மேலும் இந்த கதைக்காக சில ஆய்வுகள் தேவைப்பட்டதாகவும், அந்த பணிகளில் தற்போது ஈடுபட்டு வருவதாகவும் பார்வதி தெரிவித்துள்ளார். இந்திய திரையுலகில் ஏற்கனவே பல பெண் இயக்குனர்கள் சாதனை செய்துள்ள நிலையில் அந்த பட்டியலில் நடிகை பார்வதியும் இணைவாரா? என்பதை பொறுத்திருந்து பார்ப்போம்.

Get Breaking News Alerts From IndiaGlitz