தேசிய விருது பெற்ற இயக்குனர் பாலா இயக்கிய 'வர்மா' திரைப்படம் வெளியாகாது என அந்த படத்தின் தயாரிப்பு நிறுவனம் அறிவித்துள்ளது.

சீயான் விக்ரம் மகன் துருவ் அறிமுகமாகும் 'வர்மா' படத்தின் படப்பிடிப்பு, போஸ்ட் புரடொக்சன்ஸ் பணிகள் முடிந்து வரும் பிப்ரவரி 14, காதலர் தினத்தில் வெளியாகும் என அறிவிக்கப்பட்டது.

ஆனால் ஃபர்ஸ்ட் காப்பி ஒப்பந்த அடிப்படையில் பாலாவின் பி ஸ்டுடியோஸ் நிறுவனம் அளித்த இந்த படம் தங்களுக்கு திருப்தி தரவில்லை என்பதால் இந்த படத்தை ரிலீஸ் செய்யபோவதில்லை என ஈ4 எண்டர்டெயின்மெண்ட் நிறுவனம் அறிவித்துள்ளது. அர்ஜுன் ரெட்டி' ஒரிஜினல் படத்தில் இருந்து 'வர்மா' படம் மாறுபட்டிருப்பதால் இந்த முடிவு எடுக்கப்பட்டதாகவும், விரைவில் இதே படம் வேறு இயக்குனரால் மீண்டும் படப்பிடிப்பு நடத்தி வரும் ஜூன் மாதம் படத்தை வெளியிட திட்டமிடப்பட்டிருப்பதாகவும் இந்நிறுவனம் அறிக்கை ஒன்றின்மூலம் அறிவித்துள்ளது.

மேலும் இந்த படத்தில் நடிக்கும் புதிய நடிகர், நடிகையர் மற்றும் தொழில்நுட்ப கலைஞர்கள் குறித்த அறிவிப்பு விரைவில் வரும் என்றும் அறிவிக்கப்பட்டுள்ளது.