கடந்த 12ஆம் தேதி ரிலீஸ் ஆன இளையதளபதி விஜய்யின் சென்னை வார இறுதி வசூல் குறித்த நிலவரங்களை சற்று முன் பார்த்தோம். இந்நிலையில் பொங்கல் திருநாளில் வெளியான பார்த்திபன் இயக்கத்தில் சாந்தனு, பார்வதி நாயர் நடித்த 'கோடிட்ட இடங்களை நிரப்புக' படத்தின் வார இறுதி சென்னை வசூல் குறித்த தகவல்களை தற்போது பார்ப்போம்.

சென்னையில் பெரும்பாலான திரையரங்குகளை 'பைரவா' பிடித்து கொண்ட போதிலும் 'கோடிட்ட இடங்களை நிரப்புக' படம் சென்னையில் 14 மற்றும் 15ஆம் தேதிகளில் 13 திரையரங்க வளாகங்களில் 52 காட்சிகள் திரையிடப்பட்டு ரூ.12,49,960 வசூல் செய்துள்ளது. திரையரங்குகளில் 85% பார்வையாளர்கள் நிரம்பியிருந்தனர்.

இன்றும் நாளையும் அரசு விடுமுறை நாள் என்பதால் இந்த படத்தின் ஓப்பனிங் வசூல் திருப்திகரமாக இருக்கும் என்று எதிர்பார்க்கப்படுகிறது.