இசைஞானி இளையராஜாவின் பாடல்களுக்கு உலகம் முழுவதிலும் ஏராளமான ரசிகர்கள் உள்ளனர் என்பதும் அவரது மெலடி பாடல்களை கேட்டு மயங்காத மனிதர்களே உலகில் இல்லை என்றும் சொல்லலாம். இந்த நிலையில் பூமியை அடுத்து விண்ணிலும் இசைஞானி இளையராஜாவின் பாடல்கள் ஒலிக்க உள்ளதாக தகவல்கள் வெளியாகியுள்ளன.

நாசா உதவியுடன் உலகின் மிக குறைவான சாட்டிலைட் ஒன்று விண்ணில் ஏவப்பட உள்ளது. இந்த சாட்டிலைட்டில் இசைஞானி இளையராஜாவின் பாடல் ஒலிக்க உள்ளதாக தகவல்கள் வெளியாகி உள்ளது.

இந்த சாட்டிலைட்டை தயாரிக்கும் தமிழ்நாட்டைச் சேர்ந்த ஒரு குழு, இந்த சாட்டிலைட் உடன் பாடல் ஒன்றை இணைக்க முடிவு செய்தது. இதனை அடுத்து அவர்கள் இசைஞானி இளையராஜாவிடம் பேசி அவரது பாடலை சாட்டிலைட்டில் ஒலிக்க ஒப்புதல் வாங்கி உள்ளதாகவும் இதனை அடுத்து விண்ணிற்கு செல்ல உள்ள சாட்டிலைட்டில் இசைஞானி இளையராஜாவின் பாடல் விரைவில் ஒலிக்க இருப்பதாகவும் தகவல்கள் வெளியாகி உள்ளது.

பூமியையும் தாண்டி விண்ணிலும் இசைஞானி இளையராஜாவின் பாடல் செல்ல உள்ளது மிகப்பெரிய பெருமையாக கருதப்படுகிறது.