പ്രശസ്തമായ ലോറസ് കായിക പുരസ്കാരം സ്വന്തമാക്കി ലയണൽ മെസ്സിയും അർജന്റീന ഫുട്ബാൾ ടീമും. ലോകത്തിലെ ഏറ്റവും മികച്ച പുരുഷ കായിക താരത്തിനുള്ള പുരസ്കാരമാണ് മെസ്സി സ്വന്തമാക്കിയത്. മെസ്സിയെ തേടി രണ്ടാം തവണയാണ് ലോറസ് പുരസ്കാരം എത്തുന്നത്. 2021-ലും മെസ്സി പുരസ്കാരം നേടിയിരുന്നു.ലോക കപ്പിലെ മികച്ച താരത്തിനുള്ള ഗോൾഡൻ ബൂട്ടും മെസ്സിയാണ് സ്വന്തമാക്കിയത്. ഏഴ് തവണ മികച്ച ഫുട്ബോൾ താരത്തിനുള്ള ബാലൺദ്യോർ പുരസ്കാരവും മെസ്സി നേടിയിട്ടുണ്ട്. അർജന്റീന മികച്ച ടീമുമായതോടെ ലോറസ് വേൾഡ് സ്‌പോർട്‌സ്മാൻ ഓഫ് ദി ഇയറും ലോറസ് വേൾഡ് ടീം ഓഫ് ദ ഇയർ അവാർഡും ഒരേ വർഷം നേടുന്ന ആദ്യ കായിക താരമായി മാറി ലയണൽ മെസ്സി. ഫ്രാന്‍സ് ഫുട്‌ബോള്‍ താരം കിലിയന്‍ എംബാപ്പെ, ടെന്നീസ് താരം റഫേല്‍ നദാല്‍, മോട്ടോര്‍ റേസിങ് താരം മാക്‌സ് വെസ്റ്റാപ്പന്‍ എന്നിവരെ പിന്തള്ളിയാണ് മെസ്സി പുരസ്‌കാരം സ്വന്തമാക്കിയത്. ലോറസ് ഫൗണ്ടേഷനാണ് അവാർഡുകൾ പ്രഖ്യാപിക്കുന്നത്.