ரஜினி என்ன பி.இ. பட்டதாரியா? அமைச்சர் ஜெயகுமார் கேள்வி
- IndiaGlitz, [Friday,February 09 2018]
சூப்பர் ஸ்டார் ரஜினிகாந்த் நேற்று செய்தியாளர்களை சந்தித்து கேள்வி ஒன்றுக்கு பதிலளித்தபோது இந்தியாவை விட முதலில் தமிழகத்தில் கெட்டு போயிருக்கும் சிஸ்டத்தை முதலில் சரிசெய்ய வேண்டும் என்று கூறினார். ரஜினியின் இந்த பதிலுக்கு அரசியல் தலைவர்கள் பல்வேறு கருத்துக்களை தெரிவித்து வரும் நிலையில் இதுகுறித்த கேள்வி ஒன்றுக்கு அமைச்சர் ஜெயகுமார் காட்டமாக பதிலளித்தார்.
பி.இ பட்டதாரிகள் தான் சிஸ்டம் சரியில்லை என கூறுவதுண்டு. ரஜினி என்ன பி.இ பட்டதாரியா? என கேள்வி எழுப்பிய அமைச்சர், தமிழகத்தில் எந்த சிஸ்டம் சரியில்லை என ரஜினி விளக்க வேண்டும் என்றும் கூறினார்.
மேலும், சிஸ்டம் சரியில்லை என்று தமிழகத்தை கூறும் ரஜினி, கர்நாடகா சென்று சிஸ்டத்தை சரிசெய்து தமிழகத்திற்கு தண்ணீர் பெற்றுத்தர வேண்டும் என்றும் அவர் தெரிவித்துள்ளார்.