திருமணம் செய்து கொள்வதாக நடிகையை ஏமாற்றி பாலியல் தொல்லைக்கு உள்ளாக்கிய நடிகர் மற்றும் தயாரிப்பாளர் கைது செய்யப்பட்டுள்ளது பரபரப்பை ஏற்படுத்தி உள்ளது.

கன்னட திரையுலகில் ’விஷன் 2023’ என்ற படத்தை தயாரித்து நடித்தவர் ஹர்ஷவர்தன். இவர் சக நடிகை ஒருவரை திருமணம் செய்து கொள்வதாக கூறி கடந்த இரண்டு ஆண்டுகளாக பாலியல் வன்கொடுமை செய்ததாகவும் அந்த நடிகை பலமுறை திருமணம் செய்ய வலியுறுத்திய போதும் அவர் திருமணத்தைத் தவிர்த்து வந்ததாகவும், இறுதியில் உன்னை ஏன் திருமணம் செய்ய வேண்டும் என்று கேள்வி எழுப்பியதை அடுத்து அதிர்ச்சி அடைந்த நடிகை காவல்துறையில் புகார் அளித்ததாகவும் தகவல்கள் வெளியாகியுள்ளன.

நடிகையின் புகாரை அடுத்து ஹர்ஷவர்தன் மீது வழக்குப்பதிவு செய்த போலீசார் அவரை கைது செய்து உள்ளனர். அவர்மீது 4 பிரிவுகளின் கீழ் வழக்கு பதிவு செய்யப்பட்டுள்ளதாகவும் இது குறித்த டிஜிட்டல் ஆதாரங்களை போலீசார் கைப்பற்றி உள்ளதாக கூறப்படுகிறது.

நடிகை ஒருவரை திருமணம் செய்து கொள்வதாக ஏமாற்றிய நடிகர்-தயாரிப்பாளர் கைது செய்யப்பட்டிருப்பது கன்னட திரையுலகில் பெரும் பரபரப்பை ஏற்படுத்தியுள்ளது.