நடிகர், நடன இயக்குனர், இயக்குனர் ராகவா லாரன்ஸ் கடந்த 20 ஆண்டுகளுக்கு முன்னர் தொடங்கிய சேவையை தற்போது அவரால் பயன் பெற்ற இளைஞர் அடுத்த தலைமுறையினருக்கு தொடர்ந்து உள்ள தகவல் இணையத்தில் வைரல் ஆகி வருகிறது.

ராகவா லாரன்ஸ் தனது சமூக வலைதளத்தில் வெளியிட்டுள்ள வீடியோவில் ’20 வருடங்களுக்கு முன்னர் இரண்டு குழந்தையை தத்தெடுத்து அவர்களை தனது வீட்டிற்கு அழைத்து வந்து படிக்க வைத்ததாகவும், அந்த குழந்தை இன்று பெரியவர் ஆகி நல்ல நிலையில் இருப்பதாகவும், அவர் அடுத்த தலைமுறையினரை படிக்க வைக்க ஒப்புக் கொண்டிருப்பதாகவும் இதையடுத்து தனது சேவை சேவையை அடுத்த தலைமுறையினர் தொடர்ந்து வருகின்றனர் என்றும் நெகிழ்ச்சியாக குறிப்பிட்டுள்ளார்.

20 வருடங்களுக்கு முன் ஒரு பெண் தனது இரண்டு குழந்தைகளை அழைத்துக் கொண்டு தனது கணவர் இறந்து விட்டதாகவும், இந்த குழந்தைகளை படிக்க வைக்க உதவி செய்யுங்கள் என்றும் கூறினார். அப்போது நான் அந்த குழந்தைகளை எனது வீட்டிலேயே தங்க வைத்து படிக்க வைத்தேன். அதன் பிறகு கொஞ்சம் கொஞ்சமாக படிக்க வைக்கும் குழந்தைகளின் எண்ணிக்கை அதிகரித்ததால் நான் என் சொந்த வீட்டை குழந்தைகளுக்காக விட்டுக் கொடுத்துவிட்டு வாடகை வீட்டுக்கு சென்றேன்.

இந்த நிலையில் 20 வருடங்களுக்கு முன் என்னிடம் படிக்க வந்த குழந்தை தற்போது நல்ல வேலை பார்த்து கை நிறைய சம்பாதிக்கிறார். அவர் தற்போது தன்னால் முயன்ற குழந்தைகளை படிக்க வைக்கிறேன் என்று என்னிடம் கூறியிருக்கிறார். என்னுடைய சேவை அடுத்த தலைமுறைக்கு சென்றுள்ளதை பார்த்து நான் மிகவும் மகிழ்ச்சி அடைகிறேன்.

ஒரு குழந்தை படித்தால் வைத்தால் மட்டும் போதாது, அந்த குழந்தை படித்து நல்ல நிலைக்கு வந்த பிறகு, தன்னை போலவே மற்ற குழந்தைகளையும் நல்ல நிலைக்கு கொண்டு வர உதவி செய்ய வேண்டும். சேவை என்பதுதான் உண்மையான கடவுள். அந்த சேவையை தற்போது அடுத்த தலைமுறையினர் தொடர ஒப்புக்கொண்டுள்ளது எனக்கு மிகுந்த மகிழ்ச்சியை ஏற்படுத்தி உள்ளது. சமுதாயத்தை ஓரளவு நல்ல நிலைக்கு இதன் மூலம் கொண்டு வர கொண்டு வரலாம் என்று நினைக்கிறேன்’ என்று கூறியுள்ளார். ராகவா லாரன்ஸின் இந்த வீடியோ தற்போது இணையத்தில் வைரல் ஆகி வருகிறது.

Action speaks louder than words!

This is the story of Sivasakthi from Pudukottai. When he was just 4 years old, his mother came to us seeking help. His father had left the family, and his mother had to take care of him and his sister on her own. They both grew up in my home… pic.twitter.com/uU0uezm1NI

— Raghava Lawrence (@offl_Lawrence) March 31, 2024