ఓ రొమాంటిక్ లవ్ స్టొరీని, క్రేజీ కాంబినేషన్‌తో ఒక యూత్‌ఫుల్ డైరెక్టర్ తెరకెక్కిస్తే ఎలా వుంటుంది? దానికి స‌మాధానం.. పడి పడి లేచే మనసు` (ప‌రిశీల‌నలో ఉన్న పేరు) సినిమాలా ఉంటుంద‌నే చెప్పాలి. ఆ క్రేజీ కాంబినేష‌న్.. యూత్‌లో మంచి క్రేజ్ ఉన్న హీరోహీరోయిన్లు శర్వానంద్, సాయిపల్లవి కాగా.. ఆ రొమాంటిక్ ల‌వ్ స్టోరీని తెర‌కెక్కిస్తున్న యూత్‌ఫుల్ ద‌ర్శ‌కుడు.. అందాల రాక్షసి`, కృష్ణగాడి వీరప్రేమగాధ` వంటి యూత్‌ఫుల్ ఎంటర్‌టైన‌ర్స్ టేకాఫ్ చేసిన హను రాఘవపూడి.

ఈ ఆస‌క్తిక‌ర‌మైన కాంబినేష‌న్‌లో రూపుదిద్దుకుంటున్న ఈ రొమాంటిక్ లవ్ స్టొరీ.. తాజాగా కోల్‌క‌తాలో చిత్రీకరణ ప్రారంభించుకుంది. ప్ర‌స్తుతం అక్క‌డ ప్రధాన పాత్రలపై కొన్ని ముఖ్యమైన సన్నివేశాలని చిత్రీకరిస్తున్నారు. ఇదిలా ఉంటే.. ఈ సినిమా కోసం శర్వానంద్ 10 కేజీల బరువు కూడా తగ్గారని సమాచారం. ఆర్మీ నేపథ్యంలో సాగే చిత్రం కావడం వలన డిఫరెంట్ లుక్ కోసం శర్వానంద్ ప్రయత్నిస్తున్నారని.. అలాగే త‌న హెయిర్ స్టైల్ కూడా డిఫరెంట్ గా ఉండేలా చూసుకుంటున్నారని తెలుస్తోంది.