close
Choose your channels

புலிக்கு பிறந்தது பூனையாகுமா? 'தல' மகளின் பைக் ரைடிங்

Saturday, May 16, 2020 • தமிழ் Comments

தல என்று கிரிக்கெட் ரசிகர்களால் அன்புடன் அழைக்கப்படும் தோனி, மிகச்சிறந்த கிரிக்கெட் வீரர் மட்டுமின்றி சிறந்த பைக் பிரியர் என்பது தெரிந்ததே. இந்த கொரோனா விடுமுறையிலும் தனது மகளை பின்னால் உட்கார வைத்து தனக்கு சொந்தமான இடத்தில் தல தோனி பைக்கில் ரைடு வரும் வீடியோக்கள் அவ்வப்போது சமூக வலைத்தளங்களில் வைரலாகி வருகிறது.

இந்த நிலையில் ‘தல’ தோனியின் மகள் பைக்கில் உட்கார்ந்து ஆக்சிலேட்டரை அழுத்தும் வீடியோ ஒன்றை சென்னை சூப்பர் கிங்ஸ் தனது சமூக வலைத்தள பக்கத்தில் பதிவு செய்துள்ளது. தோனியின் மனைவி சாக்சி எடுத்திருக்கும் இந்த வீடியோவை தல ரசிகர்கள் ரசித்து வருகின்றனர்.

இந்த சிறு வயதிலேயே பைக் மீது ஆர்வம் கொண்டுள்ள தோனியின் மகள், புலிக்கு பிறந்தது பூனையாகாது என்பதை நிரூபித்துவிட்டதாக தோனியின் ரசிகர்கள் கமெண்ட் அளித்து வருகின்றனர். இந்த வீடியோ தற்போது வைரலாகி வருவதோடு, பல ஊடகங்களில் தலைப்பு செய்தியாகவும் வெளிவந்து கொண்டிருக்கின்றது.

உலகக்கோப்பை கிரிக்கெட் போட்டிக்கு பின் இன்னும் களத்தில் இறங்காத தல தோனி, ஐபிஎல் போட்டியில் மீண்டும் களமிறங்கும் நாளை அவரது கோடிக்கணக்கான ரசிகர்கள் எதிர்பார்த்து காத்திருக்கின்றனர்.

Get Breaking News Alerts From IndiaGlitz