பிக்பாஸ் அல்டிமேட் நிகழ்ச்சி கடந்த சில நாட்களாக நடைபெற்று வரும் நிலையில் ஒவ்வொரு வாரமும் ஞாயிற்றுக்கிழமை ஒரு போட்டியாளர் எலிமினேட் செய்யப்பட்டு வருகிறார் என்பதையும் முதல் வாரம் சுரேஷ் சக்கரவர்த்தியும், இரண்டாவது வாரம் சுஜாவும் எலிமினேட் செய்யப்பட்டனர் என்பதையும் பார்த்தோம்.

இந்த நிலையில் இந்த வாரம் இரண்டு போட்டியாளர்கள் எலிமினேட் செய்யப்படுவார்கள் என பிக்பாஸ் அறிவிக்கின்றார். இதனை தனியாக பாலாஜியிடம் பிக்பாஸ் கூறியபோது, ‘இந்த வீட்டில் இருக்கும் ஒரு சிலர் இந்த போட்டியில் பங்கெடுத்து கொள்ள வந்த மாதிரியே தெரியவில்லை. எனவே இந்த வாரம் டபுள் எவிக்சனுக்கு தயாராகுங்கள் என்று கூறியுள்ளார்.

ஆனால் பிக்பாஸ் கூறியதை போட்டியாளர்களிடம் பாலாஜி சொல்லாமல், அவர் ’உங்களுக்குள்ளேயே கூடி ஒருவரை தேர்வு செய்து எலிமினேட் செய்யலாம் என்று கூறுகிறார். இதனை அடுத்து யாரை இந்த வாரம் யாரை எலிமினேட் செய்யலாம் என்று ஒவ்வொருவரும் கூறுகின்றனர். வனிதா பாலாவையும், ஜூலி வனிதாவையும், ஸ்ருதி மற்றும் அனிதா சினேகனையும் கூறுகின்றனர்.

எல்லோரும் தங்களுடைய கருத்தை கூறிய பிறகு ’இது பிக்பாஸ் கொடுத்த டாஸ்க் இல்லை என்றும், நான் கொடுத்த டாஸ்க்’ என்றும் கூற அனைவரும் அதிர்ச்சி ஆகின்றனர். குறிப்பாக வனிதா பயங்கர கோபமாகி பாலாஜியை கடுமையாக விமர்சனம் செய்ய அதை கொஞ்சம் கூட சட்டை செய்யாமல் பாலா அசால்டாக நடந்து செல்கிறார். இதனை அடுத்து இன்றைய நிகழ்ச்சியில் பாலா புகுந்து விளையாடி உள்ளதாக நெட்டிசன்கள் கருத்து தெரிவித்து வருகின்றனர்.

#BBUltimate இல்லத்தில் இன்று.. #Day18 #Promo1 #NowStreaming only on #disneyplushotstar.. pic.twitter.com/wVLcBaKXsT

— Disney+ Hotstar Tamil (@disneyplusHSTam) February 17, 2022