సూపర్‌స్టార్‌ రజనీకాంత్‌, గ్రేట్‌ డైరెక్టర్‌ శంకర్‌ కాంబినేషన్‌లో వచ్చిన 'రోబో' ప్రపంచ వ్యాప్తంగా ఎంతటి సంచలనాన్ని సృష్టించిందో అందరికీ తెలిసిందే. మళ్ళీ ఇదే కాంబినేషన్‌లో రోబో చిత్రానికి సీక్వెల్‌గా రూపొందుతున్న '2.0' చిత్రంపై భారీ ఎక్స్‌పెక్టేషన్స్‌ వున్నాయి. ఆ ఎక్స్‌పెక్టేషన్స్‌కి తగ్గట్టుగానే ఇండియన్‌ సినిమాలోనే భారీ బడ్జెట్‌తో, హై టెక్నికల్‌ వాల్యూస్‌తో హాలీవుడ్‌ స్థాయిలో రూపొందుతున్న '2.0' చిత్రాన్ని లైకా ప్రొడక్షన్స్‌ సంస్థ తమ మొదటి చిత్రంగా నిర్మిస్తోంది. ఈ చిత్రంలో బాలీవుడ్‌ స్టార్‌ హీరో అక్షయ్‌కుమార్‌ విలన్‌గా ఓ విభిన్నమైన పాత్ర పోషిస్తుండగా, ఎమీ జాక్సన్‌ హీరోయిన్‌గా నటిస్తోంది.
ఈ చిత్రానికి సంబంధించిన ఫస్ట్‌ లుక్‌ను నవంబర్‌ 20న ముంబాయిలోని యశ్‌రాజ్‌ స్టూడియోలో సాయంత్రం 5 గంటలకు విడుదల చేయ‌నున్న సంగ‌తి తెలిసిందే. అయితే చిత్ర‌యూనిట్ ఈ సినిమా ఫ‌స్ట్‌లుక్ విష‌యంలో ఓ ఆలోచ‌న చేశార‌ట‌. ర‌జ‌నీకాంత్ ఫ‌స్ట్‌లుక్ ఒక‌టి, అక్ష‌య్‌కుమార్ ఫ‌స్ట్‌లుక్ ఒక‌టి విడుద‌ల చేస్తున్నారు. ఇండియాలోనే ఫస్ట్‌ టైమ్‌ మోడ్రన్‌ టెక్నాలజీతో ఈ చిత్రం ఫస్ట్‌లుక్‌ను 3డిలో చాలా గ్రాండ్‌గా రిలీజ్‌ చేస్తున్నారు. ఈ ఫస్ట్‌లుక్‌ రిలీజ్‌ కార్యక్రమాన్ని లైకా ప్రొడక్షన్స్‌ యూ ట్యూబ్‌ ఛానల్‌లో లైవ్‌గా ప్ర‌ద‌ర్శించ‌నున్నారు.