నాని హీరోగా న‌టించిన తాజా చిత్రం కృష్ణ గాడి వీర ప్రేమ గాథ‌. ఈ చిత్రాన్ని అందాల రాక్ష‌సి ఫేం హ‌ను రాఘ‌వ‌పూడి తెర‌కెక్కించారు. 14 రీల్స్ ఎంట‌ర్ టైన్మెంట్ సంస్థ ఈ చిత్రాన్ని నిర్మించింది. ఇటీవ‌ల ఆడియో రిలీజ్ చేసిన కృష్ణ గాడి వీర ప్రేమ గాథ చిత్రాన్ని ఫిబ్ర‌వ‌రి 12న రిలీజ్ చేయ‌డానికి ప్లాన్ చేస్తున్నారు.

ఇదిలా ఉంటే...ఆది హీరోగా న‌టించిన తాజా చిత్రం గ‌రం. ఈ సినిమాలో ఆది స‌ర‌స‌న ఆదాశ‌ర్మ న‌టించింది. ఈ చిత్రాన్ని మ‌ద‌న్ తెర‌కెక్కించారు. సాయికుమార్ ఈ చిత్రాన్ని నిర్మించ‌డం విశేషం. ఈ సినిమాని కూడా ఫిబ్ర‌వ‌రి 12న రిలీజ్ చేయ‌డానికి ప్లాన్ చేస్తున్న‌ట్టు స‌మాచారం. మ‌రి..ఫిబ్ర‌వ‌రి 12న కృష్ణ గాడి వీర ప్రేమ గాథ‌, గ‌రం చిత్రాలతో పోటీప‌డుతున్న నాని, ఆది...ఇద్ద‌రూ విజ‌యం సాధిస్తారా..? లేక ఒక్క‌రే విజ‌యం సాధిస్తారో చూడాలి.