close
Choose your channels

சிக்ஸ்பேக் உடல் அமைப்புக்கு மாறிய இன்னொரு பிரபல தமிழ் நடிகர்

Saturday, November 28, 2020 • தமிழ் Comments

கோலிவுட் திரையுலகில் உள்ள இளைய தலைமுறை நடிகர்கள் பலர் சிக்ஸ்பேக் வைத்து அசத்தி வருகிறார்கள் என்பது தெரிந்ததே. ஏற்கனவே சிம்பு, தனுஷ், விஷால், பரத், ஆர்யா உள்பட பல நடிகர்கள் சிக்ஸ்பேக் உடலமைப்பில் ஒருசில படத்தில் நடித்துள்ளனர் என்பது குறிப்பிடத்தக்கது

இந்த நிலையில் தற்போது தமிழ் திரையுலகின் முன்னணி நடிகர்களில் ஒருவரான விஷ்ணுவிஷால் சிக்ஸ்பேக் வைத்து அசத்தியுள்ளார். இவர் சிக்ஸ்பேக் உடலமைப்புடன் கண்ணாடி முன் நின்று போஸ் கொடுத்த புகைப்படம் தற்போது வைரலாகி வருகிறது.அனேகமாக அவரது அடுத்த படத்திற்காக விஷ்ணுவிஷால் சிக்ஸ்பேக் வைத்திருப்பதாக கூறப்படுகிறது.

நடிகர் விஷ்ணு விஷாலுக்கு கடந்த ஆண்டும் இந்த ஆண்டும் எந்த திரைப்படமும் வெளிவரவில்லை என்றாலும் அவர் தற்போது 5 படங்களில் நடித்து வருகிறார். ’காடன்’, ’ஜெகஜாலக்கில்லாடி’, ’எப்.ஐ.ஆர்’, ’ஆரண்யா’ மற்றும் ’மோகன்தாஸ்’ ஆகிய படங்களில் நடித்து வருகிறார் என்பதும் இவற்றில் மூன்று படங்கள் கிட்டத்தட்ட படப்பிடிப்பு முடிவடையும் நிலையில் உள்ளது என்பதும் குறிப்பிடத்தக்கது

Get Breaking News Alerts From IndiaGlitz