டோக்கியோ ஒலிம்பிக்கில் கலந்துகொண்ட நீரஜ் சோப்ரா இந்தியாவிற்கு தடகளப் பிரிவில் முதல் ஒலிம்பிக் தங்கத்தை வாங்கிக் கொடுத்துள்ளார். இதனால் இந்தியாவின் 121 ஆண்டுகால காத்திருப்புக்கு முற்றுப்புள்ளி வைத்து, 130 கோடி மக்களின் கனவையும் நிறைவேற்றி இருக்கிறார். இதனைக் கொண்டாடும் விதமாக கோல்டன் பாய் நீரஜ் சோப்ராவுக்கு பல கோடிக்கணக்கான பரிசுகள் குவிந்து வருகின்றன.

இந்நிலையில் இந்தியாவில் பெரும் பால் உற்பத்தி மற்றும் விற்பனை நிறுவனமான அமுல் கோல்டன் பாய் நீரஜ்க்கு சிறப்பு டூடுல் உருவாக்கி வெளியிட்டு இருக்கிறது. கடந்த ஆக்ஸ்ட் 7 ஆம் தேதி நீரஜ் சோப்ரா ஈட்டி எறிதல் பிரிவில் தங்கப்பதக்கத்தை வென்றபோதே அமுல் நிறுவனம் அவருக்கு பாராட்டுத் தெரிவித்து இருந்தது.

தற்போது அமுல் நிறுவனம் ஒரு சிறுமியின் வடிவில் தோன்றி அவருக்கு சல்யூட் அடிப்பது போன்ற ஸ்பெஷ் டூடுலை வெளியிட்டு இருக்கிறது. ஈட்டி எறிதல் பிரிவில் 87.58 மீ தூரத்திற்கு ஈட்டி எறிந்த நீரஜ் சோப்ரா இந்தியாவிற்காக தனிநபர் பிரிவில் இரண்டாவது தங்கத்தை வென்றுள்ளதும் குறிப்பிடத்தக்கது.

கடந்த 2008 ஆம் ஆண்டு குறிப்பார்த்து துப்பாக்கிச் சுடுதல் பிரிவில் அபினவ் பிந்திரா தங்கப்பதக்கம் வென்றிருந்ததும் குறிப்பிடத்தக்கது. இந்நிலையில் சமூக நிகழ்வுகளை தனது சிறப்பு விளம்பரமாக மாற்றிவிடும் அமுல் நிறுவனம் நீரஜ்க்கு ஸ்பெஷல் டூடுல் வெளியிட்டு ரசிகர்களை கவர்ந்திருக்கிறது.

#Amul Topical: India wins her first ever track and field gold medal! pic.twitter.com/jK5lS4WpzZ

— Amul.coop (@Amul_Coop) August 8, 2021