తెలుగు బుల్లితెరపై అతి పెద్ద రియాలిటీ షో బిగ్‌బాస్‌.. ఇటీవలే సీజన్‌ 4ను కంప్లీట్‌ చేసుకున్న విషయం తెలిసిందే. సీజన్-4లో ఇద్దరు, ముగ్గురు కంటెస్టెంట్లు తప్ప మిగిలినవన్నీ పెద్దగా తెలియని మొహాలే. దీంతో ఈ షో మొదట్లో విమర్శలను ఎదుర్కొంది. చాలా చెత్త టాక్‌ని సొంతం చేసుకుంది. ఒక్క వీకెండ్‌ మినహా.. ప్రేక్షకులను ఈ షో అలరించలేకపోయిందనే టాక్‌ నడిచింది. కానీ షో కొన్ని వారాలు గడిచిన తర్వాత ప్రేక్షకులు ఈ షోకు బాగా కనెక్ట్ అయ్యారు. గత సీజన్లతో పోలిస్తే ఈ సీజన్‌కు మంచి పేరు వచ్చింది.

డిసెంబర్‌ 20న జరిగిన ఫైనల్‌లో బిగ్‌బాస్‌ 4 విన్నర్‌గా హీరో అభిజిత్‌ నిలవగా.. రన్నర్‌గా అఖిల్‌ నిలిచాడు. ఫొ చివర్లో మెగా ఎంట్రీ ఇచ్చిన మెగాస్టార్‌ చిరంజీవి.. షోని ఓ రేంజ్‌కి తీసుకెళ్లారు. ఒక్కొక్కరికీ బంపర్ ఆఫర్స్ ప్రకటిస్తూ అద్భుతంగా చిరు ఆకట్టుకున్నారు. చిరు-నాగ్‌ల కాంబో ఫినాలేని ఓ రేంజ్‌కి తీసుకెళ్లింది. అందుకే ఇండియా వైడ్‌గా ఇప్పటి వరకు జరిగిన అన్ని బిగ్‌బాస్‌ ఫైనల్‌ ఎపిసోడ్స్‌ను బీట్‌ చేసి.. రికార్డు స్థాయిలో 21.7 టీఆర్పీ రేటింగ్‌ను ఈ ఫైనల్‌ ఎపిసోడ్‌ సాధించినట్లుగా అధికారికంగా స్టార్‌ మా ప్రకటించింది.

ఈ ఫైనల్‌ ఎపిసోడ్‌కి వచ్చిన రికార్డ్‌ టీఆర్పీతో హోస్ట్ నాగార్జున ఫుల్ ఖుషీ అయ్యారు. దీంతో తన సంతోషాన్ని సోషల్‌ మీడియా వేదికగా అభిమానులతో పంచుకున్నారు. ''వావ్‌.. మీ ప్రేమకు ధన్యవాదాలు. మీరంతా ఆదరించకపోతే ఈ ఫైనల్‌ ఎపిసోడ్‌ ఇంత పెద్ద సక్సెస్‌ అయ్యేది కాదు. ఈ సందర్భంగా ప్రేక్షకులకు, కంటెస్టెంట్‌లకు, బిగ్‌బాస్‌ యాజమాన్యానికి, చిరంజీవిగారికి నా నమస్కారాలు తెలియజేస్తున్నాను'' అని కింగ్‌ నాగ్‌ ట్వీట్‌ చేశారు. ఈ ఫైనల్‌ ఎపిసోడ్‌ ఇంత పెద్ద హిట్‌ అవ్వడం పట్ల.. ఇప్పుడంతా హ్యాపీగా ఉన్నారు. ఈ ఆనందంలో త్వరలోనే సీజన్‌ 5ను కూడా ప్రకటన చేయనున్నారనే వార్తలు నడుస్తున్నాయి.