பிக்பாஸ் நிகழ்ச்சியில் நேற்று பிரியங்கா ஒருபக்கம் பிக்பாஸை வச்சு செய்து கொண்டிருக்கும் நிலையில் இன்னொரு பக்கம் தாமரைச்செல்வி தனது அப்பாவித்தனத்தை மீண்டும் ஒருமுறை தெரியப்படுத்தினார்

நான் பாட்டுக்கு தெருவில் கூத்தாடி கொண்டிருந்தபோது பிக்பாஸ் நிகழ்ச்சி வாங்க என்று கூப்பிட்டதும் எனக்கு ரொம்ப மகிழ்ச்சியாக இருந்தது என்று கூறிய தாமரைச் செல்வி, ’இங்க சாப்பாடு போடறாங்க, ஏசி இருக்கு, இவ்வளவு பெரிய லைட்டு இருக்கு, இந்த வீட்டை விட்டு நான் போக மாட்டேன், என்னை யாராவது போகச்சொன்னா, எனக்கு பதிலா இமான் அண்ணாச்சி போவார் என்று கூறியது அப்பாவித்தனத்தை உச்சகட்டமாக தெரிந்தது.

மேலும் பிக்பாஸ் வீட்டிற்கு போனால் அங்கே எல்லாரும் சண்டை போடுவாங்க என்று பயமுறுத்தினார்கள் என்றும், ஆனா இங்கே வந்து பார்த்தா தான் தெரியுது நல்ல கலகலப்பாக இருக்குது என்று கூறினார். இதனை அடுத்து உங்களை அடுத்த வாரம் எலிமினேட் செய்வார்கள் என்று கேலியாக அனைவரும் கூற, ‘எலிமினேட்டா? அப்படின்னா என்ன என்று சொல்லுங்கள் என்று அவர் அப்பாவித்தனமாக கேட்டதும் நகைச்சுவையின் உச்சம்.

அதன் பிறகு எலிமினேட் என்பது வீட்டை விட்டு வெளியே செல்ல வைப்பது என்று கூற இப்பதான் நான் சந்தோஷமாக இருக்கிறேன், அது உனக்கு பிடிக்கலையா என்று மீண்டும் அப்பாவியாக கூறினார். எலிமினேட் எல்லாம் எதுவும் வேண்டாம், எல்லாரும் இந்த வீட்டிலேயே சந்தோஷமாக இருப்போம் என்று பிக்பாஸ் விதியையே தாமரை செல்வி மாற்ற முயற்சிக்கின்றார்.

மேலும் எங்க அம்மா வீட்டில் டிவி கிடையாது, நான் பிக்பாஸ் வந்ததுக்காகவே எங்க அம்மா டிவி வாங்கிட்டாங்க என்றும் அவர் சொன்னது அனைவரும் விழுந்து விழுந்து சிரிக்கிற மாதிரி இருந்தது எங்க வீட்டுல எல்லாம் ஏசி இல்லை இங்க நல்லா குளுகுளுன்னு நல்லா இருக்கு, என்னை யாரும் வெளியே அனுப்பாதீங்க என்றார் தாமரை செல்வி கூறியது இன்னும் கொஞ்ச நேரம் அவரை பேச வைக்கலாம் என்று தான் அனைவருக்கும் இருந்தது.

மொத்தத்தில் பிக்பாஸ் நிகழ்ச்சி என்றால் சீரியஸ் என்பதையே மறந்து விட்டு அனைவரும் விழுந்து விழுந்து சிரிக்கும் வகையாக நேற்றைய நிகழ்ச்சி இருந்ததை பார்க்கும்போது இந்த சீசன் இதுவரை இல்லாத வகையில் வித்தியாசமாக செல்கிறது என்பதும், இதேபோன்று கலகலப்பாக சென்றால் மிகப் பெரிய வெற்றி அடையும் என்று எதிர்பார்க்கப்படுகிறது.

என்ன அனுப்பாதிங்க ?? #BiggBossUNSEEN இரவு 11 மணிக்கு / மறு ஒளிபரப்பு காலை 11 மணிக்கு நம்ம #VijayMusic கில் காணத்தவறாதீர்கள் ??#BBTamilSeason5 #BiggBossTamil5 #பிக்பாஸ் pic.twitter.com/obc3HHuNar

— Vijay Music (@VijayMusicOffl) October 6, 2021