தனுஷ் படத்தில் வில்லனாக நடித்த நடிகர் பத்தாம் வகுப்பு மாணவி இயக்கும் திரைப்படத்தில் ஹீரோவாக நடிக்க இருப்பதாக தகவல்கள் வெளியாகி உள்ளன.

தனுஷ் நடித்த ’மாரி’ என்ற படத்தில் வில்லனாக நடித்தவர் பிரபல பாடகர் விஜய் யேசுதாஸ். அதன் பின்னர் இவர் ’படை வீரன்’ என்ற படத்தில் நாயகனாக நடித்தார் என்பது தெரிந்தது.

இந்த நிலையில் பத்தாம் வகுப்பு படிக்கும் மாணவி சின்மயி நாயர் என்பவரின் இயக்கத்தில் விஜய் ஜேசுதாஸ் நாயகனாக நடிக்கவுள்ளார்.’ கிளாஸ்’ என்ற டைட்டில் வைக்கப்பட்டுள்ள இந்த படத்திற்கு அனில்ராஜ் வசனம் எழுத இருப்பதாகவும் சாபு குருவில்லா மற்றும் பிரகாஷ் குருவில்லா ஆகியோர் தயாரிக்க உள்ளதாகவும் தகவல்கள் வெளியாகியுள்ளன.

பென்னி ஜோசப் ஒளிப்பதிவில் மனு ஷாஜூ படத்தொகுப்பில் எஸ்.ஆர்.சுராஜ் இசையில் இந்த படம் உருவாக இருப்பதாகவும் கூறப்படுகிறது. விஜய் ஜேசுதாஸ் கமாண்டர் வேடத்தில் நடிக்க இந்த படத்தில் சுதீர், மீனாட்சி உள்பட பலர் நடிக்க உள்ளதாகவும் இந்த படத்தின் படப்பிடிப்பு விரைவில் தொடங்க உள்ளதாகவும் தகவல்கள் வெளியாகியுள்ளன.