close
Choose your channels

Hanuman:'హనుమాన్' మరో రికార్డ్.. 25 రోజుల్లో ఎంత వసూలు చేసిందంటే..?

Tuesday, February 6, 2024 • తెలుగు Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

సంక్రాంతి పండుగ కానుకగా చిన్న సినిమాగా ప్రపంచవ్యాప్తంగా విడుదలైన 'హనుమాన్' చిత్రం రికార్డుల మీద రికార్డులు సృష్టిస్తోంది. ప్రశాంత్ వర్మ మేకింగ్‌కు అందరూ ఫిదా అయిపోయారు. ఈ చిత్రంపై సినీ, రాజకీయ ప్రముఖులు ప్రశంసలు కురిపించారు. తెలుగు రాష్ట్రాల్లోనే కాదు దేశవ్యాప్తంగా కసూల వర్షం కురిపిస్తోంది. దీంతో బాక్సాఫీస్ వద్ద సరికొత్త రికార్డులు నెలకొల్పుతోంది. మూవీ విడుదలై 25 రోజులు అవుతున్నా థియేటర్లన్ని హౌస్‌ ఫుల్ అవుతున్నాయి. ఈ మధ్య కాలంలో ప్రేక్షకులు భారీగా థియేటర్లకు వస్తున్న సినిమా ఇదే కావడం విశేషం.

అటు నార్త్ అమెరికాలో 5 మిలియన్ డాలర్లకు పైగా వసూళ్లతో ఆల్ టైమ్ టాప్-5 హయ్యెస్ట్ గ్రాసర్‌గా నిలిచింది. ఇక ఉత్తరాదిలోనూ దుమ్మురేపుతోంది. రోజురోజుకు కలెక్షన్స్ పెంచుకుంటూ పోతోంది. బాలీవుడ్‌లో అత్యధిక వసూళ్లు సాధించిన టాప్ 10 దక్షిణాది చిత్రాల జాబితాలో స్థానం సొంతం చేసుకుంది. అలాగే ఇప్పటికే సంక్రాంతికి విడుదలైన సినిమాల్లో గత 92 ఏళ్లుగా ఏ సినిమా సాధించని రికార్డ్ హనుమాన్ సాధించింది. తాజాగా సరికొత్త రికార్డ్ సెట్ చేసింది. 25 రోజుల్లో ప్రపంచవ్యాప్తంగా ఏకంగా రూ.300 కోట్ల గ్రాస్ కలెక్షన్స్ వసూలు చేసింది. ఈ విషయాన్ని చిత్రయూనిట్ అధికారికంగా ప్రకటించింది.

ఓ చిన్న సినిమా కేవలం 25 రోజుల్లోనే రూ.300కోట్ల వసూళ్లు చేయడం అంటే పెద్ద రికార్డ్ అనే చెప్పాలి. మరోవైపు సంక్రాంతికి విడుదలైన సినిమాలు అప్పుడే ఓటీటీలో విడుదలకు సిద్ధంగా ఉన్నాయి. వెంకీ మామ 'సైంధవ్' మూవీ ఇప్పటికే డిస్నీ హాట్‌స్టార్‌లో స్ట్రీమింగ్ అవుతుంది. ఇక మహేష్ 'గుంటూరు కారం' మూవీ ఫిబ్రవరి 9న నెట్‌ఫ్లిక్స్‌లో, నాగార్జున 'నా సామిరంగ' చిత్రం ఫిబ్రవరి 15న అమెజాన్ ప్రైమ్‌లో స్ట్రీమింగ్ కానున్నాయి. అయితే 'హనుమాన్' ఓటీటీ స్ట్రీమింగ్‌కి మాత్రం మరింత సమయం పట్టనుంది. మార్చి 22న జీ5 ఓటీటీలోకి రానుందని సమాచారం.

ఇక ఈ సినిమాలో తేజ సజ్జా సరసన అమృత అయ్యర్ హీరోయిన్‌గా నటించగా వరలక్ష్మీ శరత్‌ కుమార్‌, వినయ్‌ రాయ్‌, వెన్నెల కిశోర్‌, సముద్రఖని, గెటప్‌ శ్రీను కీలక పాత్రల్లో నటించారు. ఇదిలా ఉంటే ఈ చిత్రం ఇచ్చిన విజయంతో దర్శకుడు ప్రశాంత్ త్వరలోనే ‘జై హనుమాన్‌’ను తెరకెక్కించనున్నారు. 'హనుమాన్‌' కన్నా 100 రెట్లు ఎక్కువగా ఈ చిత్రం ఉంటుందంటూ అప్పుడే ప్రేక్షకల్లో ఆసక్తి నింపారు. దీంతో ఈ సినిమా విడుదల కోసం ఇప్పటి నుంచే అభిమానులు ఆసక్తిగా ఉన్నారు.

Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.