பிரமாண்ட இயக்குனர் ஷங்கரின் இயக்கத்தில் பிரபல தெலுங்கு நடிகர் ராம் சரண் தேஜா ஒரு திரைப்படத்தை இயக்க உள்ளார் என்பதும் இந்த திரைப்படத்தை பிரபல தெலுங்கு தயாரிப்பாளர் தில் ராஜூ தயாரிக்க உள்ளார் என்பதும் தெரிந்ததே.

இந்த நிலையில் இந்த படம் குறித்த முக்கிய பேச்சுவார்த்தைக்காக நேற்று நடிகர் ராம்சரண் தேஜா மற்றும் தில் ராஜூ ஆகிய இருவரும் சென்னையில் உள்ள ஷங்கரின் இல்லத்திற்கு வந்தனர் என்பதும், இது குறித்த புகைப்படம் வைரல் ஆனது என்பதை ஏற்கனவே பார்த்தோம். இதனை அடுத்து இந்த படம் உறுதி செய்யப்பட்டுள்ளது என்பதும் விரைவில் படப்பிடிப்பு தொடங்கும் என்றும் செய்திகள் வெளியாகியுள்ளன.

இந்த நிலையில் ராம் சரண் தேஜா தனது டுவிட்டர் பக்கத்தில் நேற்று உங்கள் வீட்டிற்கு வந்தபோது உங்களுடைய மற்றும் உங்கள் குடும்பத்தினரின் வரவேற்பும், விருந்தும் மிக அபாரமாக இருந்தது, நன்றிகள் என்று தெரிவித்திருந்தார். அதற்கு சற்று முன் ஷங்கர் தனது ட்விட்டர் பக்கத்தில் ’உங்களுக்கு விருந்தளிப்பது எங்களின் மிகப்பெரிய மகிழ்ச்சி’ என்று தெரிவித்துள்ளார். இந்த டுவிட் தற்போது வைரலாகி வருகிறது என்பது குறிப்பிடத்தக்கது.

ஷங்கர் இயக்கி வந்த ’இந்தியன் 2’ திரைப்படத்தின் படப்பிடிப்பு பாதியில் நின்று கொண்டிருக்கும் நிலையில் ஷங்கர் முழுவீச்சாக ராம்சரண் தேஜா படத்தை இயக்க உள்ளார் என்பதும் இதனை அடுத்து அவர் ’அன்னியன்’ திரைப்படத்தின் ஹிந்தி ரீமேக்கை இயக்க உள்ளார் என்பதும் குறிப்பிடத்தக்கது.

It was our pleasure hosting you @AlwaysRamCharan . #RC15 @svc_official #SVC50 https://t.co/TJ8YvVTBm6

— Shankar Shanmugham (@shankarshanmugh) July 5, 2021