close
Choose your channels

కాజల్.. మూడో హ్యాట్రిక్

Monday, February 26, 2018 • తెలుగు Comments

‘లక్ష్మీక‌ళ్యాణం’(2007)తో తెలుగు తెర‌కు క‌థానాయిక‌గా ప‌రిచ‌య‌మైన ఉత్త‌రాది భామ‌ కాజ‌ల్ అగ‌ర్వాల్. ద‌శాబ్ద‌కాలంగా త‌న న‌ట‌న‌తో ఆక‌ట్టుకుంటున్న ఈ ముద్దుగుమ్మ‌ న‌టించిన తాజా చిత్రం ‘అ!’. ఈ కాన్సెప్ట్ బేస్డ్ మూవీలో కాజ‌ల్ పోషించిన పాత్రే కీల‌కం. ఈ సినిమా విడుద‌లై వారం పూర్త‌య్యింది. ఈ సినిమా ఇప్ప‌టికే కొన్ని చోట్ల లాభాల‌తో దూసుకుపోతూ.. న‌టించిన న‌టీన‌టుల‌తో పాటు ద‌ర్శ‌కనిర్మాత‌లు కూడా ప్ర‌శంస‌లు అందుకుంటున్నారు. ఇదిలా వుంటే.. ఈ సినిమాతో కాజ‌ల్ ఓ అరుదైన ఘ‌న‌త‌ను త‌న ఖాతాలో వేసుకున్నారు.  అదేమిటంటే..  ‘ఖైదీ నంబ‌ర్ 150’, ‘నేనే రాజు నేనే మంత్రి’, ‘అ!’

.. ఇలా వ‌రుస‌గా హ్యాట్రిక్ విజ‌యాల‌ను సొంతం చేసుకున్నారు కాజ‌ల్‌. అయితే.. ఈ ఘ‌న‌త‌ను ఇంత‌కుముందు కూడా సాధించారు కాజ‌ల్. 2010-11లో వ‌చ్చిన ‘డార్లింగ్’, ‘బృందావ‌నం’, ‘మిస్ట‌ర్ ప‌ర్ఫెక్ట్’ సినిమాల‌తో మొద‌టిసారి ఈ ఫీట్ ను అందుకున్న ఈ టాలీవుడ్ చంద‌మామ‌.. ఆ త‌ర్వాత 2013-14లో ‘నాయ‌క్’, ‘బాద్షా’, ‘ఎవ‌డు’ మూవీల‌తో రెండోసారి కూడా ఈ ఘ‌న‌త‌ను సాధించారు. ఇప్పుడు ముచ్చ‌ట‌గా మూడోసారి అందుకున్న ఈ ఫీట్‌తో క‌లిపి హ్యాట్రిక్ విజ‌యాల విష‌యంలో హ్యాట్రిక్‌ అందుకున్న క‌థానాయిక‌గా ప్ర‌త్యేక గుర్తింపు ద‌క్కించుకున్నారు కాజ‌ల్‌.