உலக நாயகன் கமல்ஹாசன் இன்று தனது புதிய அரசியல் கட்சியை ஆரம்பிக்கவுள்ள நிலையில் இன்று அவர் முன்னாள் ஜனாதிபதி அப்துல் கலாம் இல்லத்தில் இருந்து தனது அரசியல் பயணத்தை தொடங்க திட்டமிட்டிருந்தார்

இந்த நிலையில் கமல்ஹாசனின் இரண்டாவது நிகழ்ச்சியாக இன்று காலை அப்துல்கலாம் படித்த பள்ளிக்கு சென்று உரைநிகழ்த்த திட்டமிடப்பட்டிருந்தது. ஆனால் அரசியல் இயக்கத்தினர் மாணவர் மத்தியில் கலந்துரையாடுவது குழப்பத்தை ஏற்படுத்தும் என்ற காரணத்தால் கமல்ஹாசனுக்கு இந்த பள்ளிக்கு செல்லும் அனுமதி மறுக்கப்பட்டது. இதனை பள்ளிக்கல்வித்துறை அறிவித்துள்ளதால், இந்த ஒரு நிகழ்ச்சியை மட்டும் கமல்ஹாசன் ரத்து செய்துள்ளார்.

இருப்பினும் கமல்ஹாசனின் மற்ற நிகழ்வுகள் திட்டமிட்டபடி தொடரும் என்றும் வேறு எந்த மாற்றமும் இல்லை என்றும் அறிவிக்கப்பட்டுள்ளது. இந்த நிலையில் கமல்ஹாசனின் நேர்மையான அரசியல் பயணம் வெற்றியடைய தனது வாழ்த்துக்களை தெரிவித்து கொள்வதாக அப்துல்கலாம் அவர்களின் சகோதரர் தெரிவித்துள்ளார்.