தமிழ் சினிமாவின் இளம் இயக்குனர்களில் ஒருவராகிய கார்த்திக் நரேன் இயக்கிய முதல்படமான 'துருவங்கள் 16' திரைப்படம் மிகப்பெரிய வரவேற்பை பெற்றது. மேலும் அரவிந்தசாமி நடித்த 'நரகாசுரன்' படத்தை இயக்கி முடித்துள்ள கார்த்திக் நரேன், தற்போது 'நாடக மேடை' என்ற படத்தை இயக்கி வருகிறார். இந்த நிலையில் கார்த்திக் நரேன் ஒரு தமிழ்ப்படத்தில் சிறப்பு தோற்றத்தில் நடித்துள்ளார் என்ற செய்திகள் வெளிவந்துள்ளது.

சந்திப் கிஷான், அன்யா சிங் நடிப்பில் இயக்குனர் கார்த்திக் ராஜூ இயக்கி வரும் படம் 'கண்ணாடி'. இந்த படத்தில் ஒரு இளமையான கேரக்டர் இருப்பதாகவும், இந்த கேரக்டரில் நடிக்க பலர் பரிசீலிக்கப்பட்ட நிலையில் சந்தீப் கிஷான், கார்த்திக் நரேனை பரிந்துரை செய்ததாகவும், அதனையடுத்து கார்த்திக் நரேன் இந்த படத்தில் நடிக்க ஒப்பந்தம் செய்யப்பட்டதாகவும் படக்குழுவினர் தெரிவித்துள்ளனர். சந்தீப் கிஷான், கார்த்திக் நரேன் இயக்கிய 'நரகாசுரன்' படத்தில் ஒரு முக்கிய வேடத்தில் நடித்துள்ளார் என்பது குறிப்பிடத்தக்கது

மேலும் 'கண்ணாடி' படத்தில் 'குக்கூ' படத்தில் நடித்த நடிகை மாளவிகா நாயரும் ஒரு சிறப்பு தோற்றத்தில் நடிக்கவுள்ளார் என்பது குறிப்பிடத்தக்கது.

தமிழ், தெலுங்கு என இரண்டு மொழிகளில் உருவாகி வரும் 'கண்ணாடி' திரைப்படம் வரும் ஜூலை மாதம் வெளியாகும் என எதிர்பார்க்கப்படுகிறது.