టాలీవుడ్‌లో సూపర్ స్టార్ మహేష్‌బాబుకి ప్రత్యేక స్థానముంది. ఆయనకు లేడీ ఫ్యాన్ ఫాలోయింగ్ చాలా ఎక్కువ. అలాగే ఫ్యామిలీ ఆడియన్స్ సైతం మహేష్‌కి బాగా కనెక్ట్ అవుతారు. ఆయన ఫ్యామిలీకిచ్చే ప్రిఫరెన్స్ వేరే ఏ నటుడు కూడా ఇవ్వరనే చెప్పాలి. ఈ మధ్య కాలంలో డిఫరెంట్ స్టోరీస్ ఎంచుకుంటూ తన సక్సెస్ రేటును పెంచుకుంటూ తనదైన శైలిలో మహేష్ దూసుకెళుతున్నారు. ఇక త్వరలో రాజమౌళితో పాన్ ఇండియా సినిమాకు సైతం మహేష్ సిద్ధమవుతున్నాడు.

ఇక సోషల్ మీడియాలోనూ మహేష్‌కు అద్భుతమైన ఫ్యాన్ ఫాలోయింగ్ ఉంది. మహేష్‌ను సౌత్ ఇండియాలోనే ఆయన అభిమానులు టాప్‌లో నిలిపారు. తాజాగా ఆయన ట్విట్టర్ అకౌంటును ఫాలో అయ్యే వారి సంఖ్య 10 మిలియన్స్‌కు చేరుకుంది. ఇప్పటి వరకూ సౌత్ ఇండియన్ స్టార్స్‌లో ధనుష్‌ మాత్రమే 9.1 మిలియన్ ఫాలోవర్స్‌తో అగ్రస్థానంలో ఉన్నారు. తాజాగా 10 మిలియన్ ఫాలోవర్స్‌తో మహేష్ ఆయనను కూడా బీట్ చేసి అగ్ర స్థానంలో నిలవడం విశేషం.