மணிரத்னம் இயக்கத்தில் உருவான ’பொன்னியின் செல்வன்’ திரைப்படத்தின் முதல் பாகம் கடந்தாண்டு வெளியான நிலையில் இந்த படம் உலகம் முழுவதும் 500 கோடி ரூபாய் வசூலை குவித்தது என்பதும் இதனை அடுத்து இந்த படத்தின் இரண்டாம் பாகத்திற்கு மிகப்பெரிய எதிர்பார்ப்பு ஏற்பட்டுள்ளது என்பது தெரிந்ததே.

இந்த நிலையில் பொன்னியின் செல்வன் இரண்டாம் பாகம் ஏப்ரல் 28-ம் தேதி வெளியாகும் என ஏற்கனவே அறிவிக்கப்பட்டு அதனை நோக்கி போஸ்ட் புரொடக்ஷன் பணிகளும் நடைபெற்று வருகிறது.

இந்த நிலையில் ஒரு சிலர் சமூகவலை தளங்களில் ’பொன்னின் செல்வன் 2’ படத்தின் ரிலீஸ் தேதி மாற்றப்பட இருப்பதாகவும் ஒரு மாதம் தள்ளி வைக்கப்பட்ட வாய்ப்பு இருப்பதாகவும் கூறினார். ஆனால் இந்த கருத்தை தற்போது பட குழுவினர் மறுத்துள்ளனர். ஏப்ரல் 28ஆம் தேதி ’பொன்னியின் செல்வன் 2’ படம் ரிலீஸ் ஆகும் என்றும் இந்த படத்தின் ஆடியோ ரிலீஸ் உள்ளிட்ட புரமோஷன் பணிகளையும் விரைவில் தொடங்க படக்குழுவினர் திட்டமிட்டுள்ளனர் என்றும் கூறப்பட்டுள்ளது.

’பொன்னியின் செல்வன்’ முதல் பாகத்தை பார்த்த அனைவருமே இரண்டாம் பாகத்தை பார்த்தால் கூட இந்த படமும் ரூ.500 கோடியை வசூல் செய்யும் என்பது குறிப்பிடத்தக்கது. பொன்னியின் செல்வன் இரண்டாம் பாகத்தில் ஐஸ்வர்யா ராயின் இன்னொரு கேரக்டர் அறிமுகம் ஆகும் என்பதால் இந்த படத்திற்கு முதல் பாகத்தை விட அதிக எதிர்பார்ப்பு ஏற்பட்டுள்ளது என்பது குறிப்பிடத்தக்கது.