இயக்குனர் இமயம் பாரதிராஜா தமிழ் சினிமாவில் புரட்சியை ஏற்படுத்தியவர் என்பதும் அவரிடம் உதவியாளராக இருந்தவர்கள் தான் திரை உலகில் மிகப்பெரிய இடத்தில் இருக்கின்றனர் என்பதும் தெரிந்ததே

இந்த நிலையில் பாரதிராஜாவின் மகன் மனோஜ் பாரதிராஜா ஏற்கனவே ஒரு திரைப்படத்தை இயக்க உள்ளதாக செய்திகள் வெளிவந்தது. இந்த செய்தி தற்போது உறுதி செய்யப்பட்டுள்ளது. லிப்ரா புரொடக்ஷன்ஸ் தயாரிக்கும் ஏழாவது தயாரிப்பு திரைப்படத்தை மனோஜ் பாரதிராஜா இயக்க உள்ளதாக அறிவிக்கப்பட்டுள்ளது. இந்த படத்தின் படப்பிடிப்பு அடுத்த ஆண்டு தொடங்க உள்ளது என்பது குறிப்பிடத்தக்கது

மனோஜ் பாரதிராஜா இயக்கும் முதல் படத்தில் நடிக்கும் நடிகர் நடிகைகள் மற்றும் தொழில்நுட்ப கலைஞர்கள் குறித்த அறிவிப்பு மிக விரைவில் வெளியாகும் என்று லிப்ரா புரோடக்சன் நிறுவனம் அறிவித்து உள்ளது. ஏற்கனவே ’சிகப்பு ரோஜாக்கள்’ படத்தின் இரண்டாம் பாகத்தை மனோஜ் பாரதிராஜா இயக்க இருப்பதாக கூறப்பட்ட நிலையில் அந்த திரைப்படம்தான் இதுவா? அல்லது புதிய கதையம்சம் கொண்டதா? என்பதை அடுத்த அறிவிப்பு வெளிவரும் வரை பொறுத்திருந்து பார்ப்போம்