close
Choose your channels

దిల్‌రాజు బ్యాన‌ర్‌లో చైత‌న్య‌..!!

Monday, April 6, 2020 • తెలుగు Comments

దిల్‌రాజు బ్యాన‌ర్‌లో చైత‌న్య‌..!!

అక్కినేని నాగచైత‌న్య ఇప్పుడు శేఖ‌ర్ క‌మ్ముల ద‌ర్శ‌క‌త్వంలో ల‌వ్‌స్టోరి సినిమా చేస్తోన్న సంగ‌తి తెలిసిందే. కరోనా వైరస్ తగ్గిన తర్వాత సినిమా విడుదల తేదీని ఖరారు చేస్తారు. దీని త‌ర్వాత ప‌రుశురామ్ ద‌ర్శ‌క‌త్వంలో 14 రీల్స్ ప్ల‌స్ బ్యాన‌ర్‌పై సినిమా చేయ‌డానికి రెడీ అయిపోయాడు నాగచైతన్య. ఈ సినిమాకు నాగేశ్వ‌ర‌రావు అనే టైటిల్ పెట్టారు. ప్రీ ప్రొడ‌క్ష‌న్ ప‌నులు కూడా దాదాపు పూర్త‌య్యాయి. అంతా ఓకే అనుకుంటోన్న త‌రుణంలో హీరో మ‌హేశ్ లైన్‌లోకి రావడంతో పరుశురామ్ అతనితో సినిమా చేయడానికి రెడీ అయిపోయాడు. దీంతో నాగేశ్వరరావు హోల్డ్‌లో పడింది.

అయితే నాగచైతన్య తమకు కేటాయించిన డేట్స్‌ను 14 రీల్స్ ప్ల‌స్ వేస్ట్ చేయ‌ద‌లుచుకోలేదు. ఆ డేట్స్‌కు దిల్‌రాజుకు కేటాయించింద‌ట‌. దిల్‌రాజు బ్యాన‌ర్‌లో సినిమా చేయ‌డానికి నాగ‌చైత‌న్య కూడా ఆస‌క్తి కూడా ఉన్నాడ‌ట‌. రైట‌ర్, డైరెక్ట‌ర్ బీవీఎస్ ర‌వి రాసిన ఓ క‌థ‌ను విన్న నాగ‌చైత‌న్య సినిమా చేయ‌డానికి ఓకే చెప్పేశాడ‌ట‌. ఈ చిత్రాన్ని విక్ర‌మ్ కుమార్ తెర‌కెక్కించ‌నున్నాడ‌ని టాక్‌. అయితే క‌రోనా వైర‌స్ ప్ర‌భావంతో సినిమా ప్రీ ప్రొడక్ష‌న్ ప‌నులు ఆగి ఉన్నాయి. లాక్ డౌన్ ఎత్తి వేయ‌గానే ఈ సినిమా ముందుకు క‌దులుతుంద‌ని స‌మాచారం.

Get Breaking News Alerts From IndiaGlitz