జనసేన అధినేత పవర్ స్టార్ పవన్ కల్యాణ్ పుట్టినరోజు వేడుకలను అమెరికాలో ఘనంగా నిర్వహించారు. హోస్టన్‌కి చెందిన పవన్ అభిమానులు, అనుచరులంతా ఒకచోట చేరి ఈ వేడుకలను నిర్వహించారు. హోస్టన్ నుంచి వచ్చిన ‘రేడియో హంగామా’ టీం పవన్ కల్యాణ్‌పై ప్రత్యక్ష గో ఎయిర్ ప్రోగ్రాం నిర్వహించింది. ఈ సందర్భంగా ప్రపంచం నలుమూలల్లో ఉన్న పవన్ అభిమానులు ఆయనకు శుభాకాంక్షలు తెలియజేయాలని పిలుపునిచ్చారు.

ఆసక్తికరమైన విషయం ఏమిటంటే ఆంధ్రప్రదేశ్‌లోని రాజోల్‌కు చెందిన ఓ కాలర్.. యూఎస్ లైవ్ ప్రోగ్రామ్‌కు పిలుపునివ్వడమే కాకుండా పవర్‌స్టార్‌కు తన శుభాకాంక్షలు తెలిపారు. ఆయన పిలుపు మేరకు పవన్ అభిమానులు, అనుచరులు ఈ లైవ్ ప్రోగ్రాంలో తమ అభిప్రాయాలను పంచుకున్నారు. అనంతరం కేక్ కట్ చేశారు. ఈ ప్రోగ్రాం పవన్ హిట్ సాంగ్స్‌‌ను ఆయన అభిమానులు బాగా ఎంజాయ్ చేశారు.

ఈ సందర్భంగా కొందరు జనసైనికులు హోస్టన్‌లోని డౌన్ టౌన్‌కు వెళ్లి చాలా మంది నిరాశ్రయులకు పండ్లు, బ్రెడ్, పానీయాలు, నీరు, మెక్డొనాల్డ్స్ బర్గర్లు పంపిణీ చేశారు. ఈ కార్యక్రమంలో గోపాల్ గుడపతి, రాజేష్ యలబండి, శ్రీధర్ ధాడి, నాగు కునసాని, ఆర్జే ఉషా, అరుణ్ వడేగోరా, సైరాజ్ కోతమాసు, ప్రసాద్ లాలం, నవీన్ నాయుడు, నరేష్ సబాసు, జయకుమార్ తన్నేరు తదితరులు పాల్గొన్నారు.