close
Choose your channels

லம்போர்கினி காரில் ரஜினியுடன் சென்றது யார் யார்? மீண்டும் டிரெண்ட்

Tuesday, July 21, 2020 • தமிழ் Comments

சூப்பர் ஸ்டார் ரஜினிகாந்த் அவர்கள் கடந்த 40 ஆண்டுகளாக தலைப்புச் செய்திகளில் இடம் பெற்று வருகிறார் என்பதும் சமீபத்தில் கூட அவர் சாத்தான்குளம் சம்பவம் குறித்து கூறிய ’சத்தியமா விடவே கூடாது’ என்ற ஹேஷ்டேக் உலக அளவில் டிரெண்ட் ஆனது என்பதும் தெரிந்ததே.

இந்த நிலையில் நேற்று சூப்பர் ஸ்டார் ரஜினிகாந்த் தனது லம்போர்கினி காரை ஓட்டி சென்ற புகைப்படம் வைரலானது என்பதும் ‘லயன் இன் லம்போர்கினி’ என்ற ஹேஷ்டேக்’ இந்திய அளவில் டிரெண்ட் ஆனது என்பதும் தெரிந்ததே.

இந்த நிலையில் இந்த புகைப்படத்தை யார் எடுத்தது? அவர் எங்கே சென்று கொண்டிருக்கிறார்? அந்த காரில் யார் யார் இருந்தனர்? என்பது குறித்த எந்த தகவலும் தெரியாத நிலையில் தற்போது மீண்டும் வெளியாகியுள்ள ஒரு புகைப்படம் இந்த கேள்விகளுக்கான விடையாக உள்ளது.

தற்போது வெளியாகியுள்ள புதிய புகைப்படத்தில் ரஜினியுடன் அவரது இளைய மகள் செளந்தர்யா, அவரது கணவர் விசாகன் மற்றும் ஐஸ்வர்யாவின் குழந்தை ஆகியோர் உள்ளனர். மேலும் இந்த புகைப்படம் ரஜினியின் பண்ணை வீட்டில் எடுக்கப்பட்டதாகவும் கூறப்படுகிறது. இயற்கை எழில் மிகுந்த பின்னணியில் உள்ள இந்த புகைப்படமும் தற்போது வைரலாகி வருகிறது என்பது குறிப்பிடத்தக்கது.

Get Breaking News Alerts From IndiaGlitz