close
Choose your channels

కోవిడ్ 19 ప్ర‌భావం.. మురికివాడ‌లో పేద‌ల‌కు ర‌కుల్ సాయం

Monday, April 6, 2020 • తెలుగు Comments

కోవిడ్ 19 ప్ర‌భావం.. మురికివాడ‌లో పేద‌ల‌కు ర‌కుల్ సాయం

క‌రోనా వైర‌స్‌(కోవిడ్ 19) ప్ర‌భావంతో దేశ‌మంతా లాక్ డౌన్ అయ్యింది. ఏప్రిల్ 14 వ‌ర‌కు లాక్ డౌన్ కొన‌సాగుతుంది. అప్ప‌టి వ‌ర‌కు రోజువారీ కూలీలు, కార్మికుల‌కు చాలా ఇబ్బందిక‌ర‌మైన ప‌రిస్థితులు నెల‌కొన్నాయి. చాలా మంది పేద‌ల‌కు తిండి దొర‌క‌డం క‌ష్ట‌మ‌వుతుంది. ఈ సంద‌ర్భంలో పలువురు సినీ తార‌లు పేద ప్ర‌జ‌ల‌కు త‌మ వంతు సాయాన్ని అందిస్తున్నారుజ‌. తాజాగా ఈ లిస్టులో హీరోయిన్ ర‌కుల్ ప్రీత్ సింగ్ కూడా చేరింది.

ప్ర‌స్తుతం గుర్గావ్‌లోని త‌న ఇంట్లో ఉంటున్న ర‌కుల్ ప్రీత్ సింగ్ త‌న ఇంటి ద‌గ్గ‌ర ఉన్న మురికివాడ‌లోని 250 మంది పేద‌వాళ్ల‌కు రెండు పూట‌ల తిండిని అందిస్తున్నార‌ట‌. ఈ విష‌యాన్ని ర‌కులే చెప్పారు. తండ్రి సాయంతో ప‌క్క‌నున్న పేద‌వారి గురించి వివ‌రాల‌ను సేక‌రించిన ర‌కుల్ త‌న ఇంటి ద‌గ్గ‌ర‌లోనే తిండిని వండించి అందిస్తుంద‌ట‌. లాక్ డౌన్ ప‌రిస్థితి కొన‌సాగే వ‌ర‌కు ఈ పేద‌వారికి రెండు పూట‌ల తిండిని అందిస్తామ‌ని, ఒక‌వేళ లాక్ డౌన్ కొన‌సాగితే కూడా వారికి తిండిని అందిస్తామని ర‌కుల్ తెలిపారు. ప్ర‌స్తుతం తెలుగులో సినిమాలేవీ చేయ‌ని ర‌కుల్ హిందీలో అజ‌య్ దేవ‌గణ్‌తో ఓ సినిమాను.. తెలుగులో నితిన్, చంద్ర శేఖ‌ర్ ఏలేటి సినిమాలోనూ న‌టించ‌నుంది.

Get Breaking News Alerts From IndiaGlitz