మెగా పవర్ స్టార్ రాంచరణ్ తదుపరి చిత్రాలు లైనప్ ఆసక్తికరంగా ఉంది. ఆర్ఆర్ఆర్ తర్వాత చరణ్, స్టార్ డైరెక్టర్ శంకర్ కాంబోలో తెరకెక్కే చిత్రంపై సర్వత్రా ఉత్కంఠ నెలకొని ఉంది. భారీ బడ్జెట్ లో పాన్ ఇండియా మూవీగా తెరకెక్కే ఈ చిత్రాన్ని దిల్ రాజు నిర్మించనున్నారు.

ఈ చిత్రం గురించి అనేక ఊహాగానాలు అభిమానుల్లో ప్రచారంలో ఉన్నాయి. శంకర్ ఇండియన్ 2 వ్యవహారం తేలితే ఈ మూవీ ఎప్పుడు సెట్స్ పైకి వెళుతుందో ఓ క్లారిటీ వస్తుంది. కానీ ప్రస్తుతం ఈ చిత్రానికి సంబంధించిన ప్రీ ప్రొడక్షన్ వర్క్ జరుగుతోందని టాక్. అందులో భాగంగా శంకర్.. రాంచరణ్ కు సరైన జోడీని సెట్ చేసే పనిలో ఉన్నాడు.

ఆ మధ్యన ఈ చిత్రంలో రాంచరణ్ సరసన కొరియన్ బ్యూటీ సుజి నటిస్తుందని వార్తలు వచ్చాయి. కానీ ఇప్పుడు లోకల్ హీరోయిన్ నే తీసుకుందాం అని ఫిక్స్ అయ్యారట. అందులో భాగంగా బాలీవుడ్ ముద్దుగుమ్మ అలియా భట్ పేరు పరిశీలిస్తున్నట్లు టాక్.

ఆర్ఆర్ఆర్ లో అలియా, చరణ్ జంటగా నటిస్తున్నారు. ఆమె వర్క్ కు ఫిదా అయిన చరణ్.. శంకర్ మూవీ కోసం ఆమెని రికమండ్ చేస్తున్నట్లు తెలుస్తోంది. ఏది ఏమైనా దీనిపై అధికారిక సమాచారం రావాల్సి ఉంది.