త‌మిళ హీరో సూర్య న‌టించిన సింగం ఎంతటి సెన్సేష‌న్ క్రియేట్ చేసిందో తెలిసిందే. తెలుగులో సింగం యుముడు టైటిల్ తో రిలీజ్ అయి సూప‌ర్ హిట్ అయ్యింది. ఆత‌ర్వాత సింగం సీక్వెల్ గా వ‌చ్చిన సింగం 2 కూడా తెలుగు, త‌మిళ్ లో విజ‌యం సాధించింది. ఇప్పుడు సూర్య‌ సింగం 3 చేస్తున్నారు. ఈ చిత్రాన్ని హ‌రి తెర‌కెక్కిస్తున్నారు. అయితే ఇప్ప‌టి వ‌ర‌కు ప‌సంగ‌, 24 మూవీస్ లో బిజీగా ఉన్న సూర్య సింగం 3 కి ముహుర్తం ఫిక్స్ చేసారు.

జ‌న‌వ‌రి 7 నుంచి వైజాగ్ లో 30 రోజులు పాటు సింగం 3 షూటింగ్ చేయ‌డానికి ప్లాన్ చేసారు. వైజాగ్ షెడ్యూల్ త‌ర్వాత‌ తమిళనాడులోని టుటికోరిన్ పోర్ట్ లో సెకండ్ షెడ్యూల్ స్టార్ట్ చేస్తారు. సింగం 1, 2 లో న‌టించే అనుష్క సింగం 3 లో కూడా న‌టిస్తుంది. ఈ సినిమాలో అనుష్క తో పాటు శ్రుతి హాస‌న్ కూడా న‌టిస్తుండ‌డం విశేషం. సింగం 1, 2 ల‌కు దేవిశ్రీప్ర‌సాద్ సంగీతం అందిస్తే...సింగం 3 కి హ‌రీష్ జైరాజ్ సంగీతం అందిస్తున్నారు. మ‌రి..సింగం 1,2 ల‌తో సెన్సేష‌న్ క్రియేట్ చేసిన సూర్య సింగం 3 తో ఎలాంటి సెన్సేష‌న్ క్రియేట్ చేస్తాడో చూడాలి.