கொரோனா வைரஸ் என்ற கொடிய அரக்கனுக்கு திரையுலக பிரபலங்கள் அடுத்தடுத்து உயிரிழந்து வரும் நிலையில் இன்று காலை பேரிடியாக பிரபல இயக்குனர் அருண்ராஜா காமராஜ் அவர்களின் மனைவி சிந்துஜா அவர்கள் கொரோனாவால் பாதிக்கப்பட்டு உயிரிழந்தார் என்ற செய்தி அனைவருக்கும் அதிர்ச்சியை ஏற்படுத்தி உள்ளது.

ஏற்கனவே கொரோனாவால் பாதிக்கப்பட்டு அருண்ராஜா மருத்துவமனையில் சிகிச்சை பெற்று வருவதால் அவரால் தனது மனைவிக்கு இறுதி அஞ்சலி கூட செலுத்த முடியாத நிலை ஏற்பட்டது.

இந்த நிலையில் அருண்ராஜா காமராஜரின் நெருங்கிய நண்பர்களில் ஒருவரான சிவகார்த்திகேயன், அருண்ராஜாவின் மனைவி சிந்துஜாவுக்கு கண்ணீர் அஞ்சலி செலுத்தினார். இது குறித்த புகைப்படங்கள் வீடியோக்கள் சமூக வலைதளங்களில் வைரலாகி வருகிறது என்பது குறிப்பிடத்தக்கது.

மேலும் அருண்ராஜா காமராஜரின் சகோதரரும் கொரோனாவால் பாதிக்கப்பட்டு மருத்துவமனையில் சிகிச்சை பெற்று வருகிறார் என்பது குறிப்பிடத்தக்கது.