பாலிவுட் கவர்ச்சி கன்னியாக வலம் வந்து கொண்டிருக்கும் நடிகை சன்னிலியோன், தற்போது 'வீரமாதேவி' என்ற சரித்திர படத்தில் நடித்து வருகிறார் என்பதும் இந்த படம் தமிழ் உள்பட மூன்று மொழிகளில் தயாராகி வருகிறது என்பதும் தெரிந்ததே.

இந்த நிலையில் சன்னிலியோனின் வாழ்க்கை வரலாறு குறித்த ஆவணப்படம் ஒன்று அவரது அனுமதியின் பேரில் கடந்த சில மாதங்களாக தயாராகி வந்தது.

இந்த படம் சமீபத்தில் சன்னிலியோனுக்காக பிரத்யேகமாக திரையிடப்பட்டது. இந்த படத்தை பார்த்து 1000 முறை கதறி அழுததாக சன்னிலியோன் தனது சமூக வலைத்தளத்தில் குறிப்பிட்டுள்ளார். மேலும் தான் செய்த சில விஷயங்களை நினைத்து வருத்தப்படுவதாகவும் சன்னிலியோன் தெரிவித்துள்ளார்.

இந்த ஆவணப்படத்தில் சன்னிலியோனின் சிறுவயது சம்பவங்கள், ஆபாச நடிகையாக மாறிய சூழ்நிலை, குடும்பம் உள்பட அனைத்து விஷயங்களும் பதிவு செய்யப்பட்டுள்ளதாக படகுழுவினர் தெரிவித்துள்ளனர்.